محمد الشرنوبي: عيشت بشخصية الهلاس عند أبويا والمنضبط عند أمي

كشف الشرنوبي عن تفاصيل طفولته، التي انقسمت بين الشخصية الملتزمة والمحبة للفن، بعد انفصال والديه، وذلك في لقائه ببرنامج معكم منى الشاذلي. 

تحيا مصر يرصد لكم تصريحات محمد الشرنوبي عن طفولته

الشرنوبي: عيشت بشخصيتين الهلاسة واللي عندها انضباط

وقال محمد الشرنوبي: امي كانت صارمة جدًا، وبتحافظ اننا ننام بدري ونصحى بدري ونكون اشطر ناس. 

وتابع: وابويا موسيقار عظيم واب مفيش احلى منه، وبستنى الويك اند اللي هروح فيه عند ابويا، وباقي الاسبوع عند امي اللي هي ظبط وربط، عيشت بشخصيتين الهلاسة واللي عندها انضباط.

محمد الشرنوبي: دكتور يحيى الفخراني يجنن 

وأضاف الشرنوبي عن مسرحية ياما في الجراب يا حاوي مع يحيى الفخراني: مسرحية ياما في الجراب يا حاوي مع يحيى الفخراني، كان اول مرة اعمل مسرح كبير من الشكل ده. 

وتابع: دكتور يحيى يجنن، واول نا عرفت ان في مسرحية مع يحيى الفخراني مقرتش أصلًا، وفتحنا المسرحية الجمعة قبل اللي فاتت، وفي كل جمعة بنعرض، وعرضنا مسرحيتين بس.

الشرنوبي: شخصية طارق في مسلسل إيجار قديم مضغوط جدًا 

وقال محمد الشرنوبي عن شخصيته “طارق” في المسلسل: طارق ده مضغوط اوي، من قبل ما المسلسل ينزل بنشوف كمية كلام من الملاك والمستأجرين ومش فاهمين اننا عايزين نطرح الفكرة بأسلوب لذيذ وده خلاني متحمس للمسلسل.

وعن تفاصيل اختلاف سكنه بين طفولته مع أهله، وخلال هذه الفترة، قال: كنت في البيت بتاعنا الأول، والفترة اللي فاتت قاعد في إيجار جديد، وفي المسلسل بنطرح الفكرة من غير ما ننصف حد وهيطلع بشكل أوضح خلال الحلقات الجايه.

إلغاء حفل الشرنوبي بالأوبرا 

ومن ناحية أخرى، كشف الفنان محمد الشرنوبي أن السبب وراء إلغاء حفلته التي كان من المقرر إقامتها ضمن فعاليات مهرجان الموسيقى العربية في دورته القادمة هو مسدج من المنتجة سارة الطباخ لإدارة الأوبرا.

حيث قال الشرنوبي لـ برنامج “ET بالعربي”: “فوجئت أن الفانز بيقولولي.. عرفت بالصدفة أن الحفلة اتشالت التذاكر بتاعتها فقومت مكلم دكتور جيهان قولتلها يا دكتور جيهان ايه اللي حصل فقامت قايلالي المديرة بتاعت الشركة اللي أنا كنت ماضي معاها بعتالهم مسدج بيان صحفي بيقول أن أنا مش من حقي اشتغل في أي حتة ولا من حقي أعمل حفلات”.