خاص| آية عقيل: قابلت نفس شخصية أغنية سيكوباتي في الحقيقة وأوافق أعمل دويتو مع مطرب مهرجانات

تحدثت الفنانة آية عقيل عن أغنيتها الجدديدة سيكوباتي التي حققت نجاحًا كبيرًا فور طرحها عبر قناتها بموقع الفيديوهات الشهير يوتيوب، كما تحدثت عن حبها الشديد لأغاني المهرجانات.

تحيا مصر يرصد لكم تصريحات المطربة آية عقيل
وقالت آيه في تصريح لموقع تحيا مصر: سيكوباتي هي أغنية بتشتم في الرجالة شوية بس مش كلهم بس الرجالة اللي شايفين نفسهم أوي.

وتابعت: شوفت ناس كتير بنفس الشخصية اللي بتكلم عنها في الأغنية، لكن محصلش الموقف ده معايا شخصيًا بس كان مع أحد أصدقائي، وقولت هعمل الأغنية وأجيب حقها.

آية عقيل تُعلق على قرارات نقابة المهن الموسيقية

وتحدثت آية عن قرارات مصطفى كامل نقيب المهن الموسيقية بشأن تقنين أوضاع مطربي المهرجانات ومطربي الراب وقالت أنها تؤيد القرار بشدة موضحة: كده أحسن أكيد و الدنيا هتبقى أفضل في الغناء خلال الفترة المقبلة.

آية عقيل: أوافق أعمل دويتو مع مطرب مهرجانات

وكشفت آيه عقيل عن حبها الشديد للمهرجانات ومطربي المهرجانات ومنهم حمو بيكا وحودا بندق وحسن شاكوش وعمر كمال، موضحة أنه من الصعب عليها غناء مهرجان ولكن تتمنى أن تشارك مطرب مهرجانات في أغنية.

واستكملت: مفيش حد مش بيحب المهرجانات وأكيد هي لون وشكل واستايل مختلف موجوده والناس بتحبها وأحنا منقدرش نقول عليها حاجة، لكن أنا صعب إني مهرجان لأني مش هعرف.

وأضافت: لو أتعرض عليا أعمل دويتو مع مطرب مهرجانات هوافق أكيد.

كلمات أغنية سيكوباتي

 سيكوباتي ويا عيني مفكر نفسه
الواد اللي مفيش منه اتنين
سيكوباتي ويا ريت تقولولو
ان الحاجب بيكون أعلى من العين

عم الشباب ده بيتعملو 100 حساب
وبيتفتحلو اي باب وكله بيشاور عليه
سيد الرجال بيقولي اني الحته الشمال
ومفكر بعيونو الجُمال
أنا هبقي لعبة بين ايديه

ده ميعرفنيش انا دكتوره تطنيش
والنوع ده ما يعجبنيش
فياريت تقولولو بقي ما يهريش
خلوه ما يجيش ويا ريت ما يكلمنيش
أنا سكتي صعبة عليه
فالأحسن ليه انه ما يمشيش

سيكوباتي بيحب يدلع نفسة
وكل شوية يكون مبسوط
سيكوباتي وعشان يعرف يوصلي
هيعمل فيها برئ وكيوت

عم الشباب ده بيتعملو 100 حساب
وبيتفتحلو اي باب وكله بيشاور عليه
سيد الرجال بيقولي اني الحته الشمال
ومفكر بعيونو الجُمال
أنا هبقي لعبة بين ايديه