ناجي سعد باكيًا: مكنتش مصدق أن ليا بصمة فنية في حياتي

تحدث الفنان ناجي سعد عن بدايته الفنية، كما تحدث عن تكريمه في مهرجان القاهرة للدراما وكشف عن نصيحة عادل إمام له.

تحيا مصريرصد لكم تصريحات الفنان ناجي سعد

وقال ناجي خلال استضافته ببرنامج صاحبة السعادة مع الفنانة إسعاد يونس والذي يُعرض عبر قناة دي أم سي وقال: أنا بدايتي كانت في الجامعة وكان في ثلاثي اضواء المسرح وكنت عامل رباعي أضواء وكنا اربع شباب حلوين كنا بنعمل اغاني ونقلبها زي اغاني عبد الحليم ونغير في كلامها، لكن صحابي متشهروش معايا.

و كشف: أنا دخلت المسرح الاول عن طريق عبد المنعم مدبولي وهو اللي قالي هتعمل معايا دور في مسرحية خالص تحياتي وبعدها مثلت في موجود في الوقت الضايع وحمار مشالش حاجة وانا نسيت اسمي .

وتابع: محمد صبحي لقطني وعملنا بروفات مسرحية المهزوز وفرقعت وعملت شغل عالي جدًا وتم عرضها في اسكندرية والمسرحية كسرت الدنيا وانا بظهر في نهاية الفصل التاني والفصل التالت وهي شخصية النقيض من محمد صبحي هو كان مهزوز وانا عارف انا بعمل ايه كويس.

ناجي سعد: أنا وصلاح عبدالله كان بيتصرفلنا مكافأت في المسرحيات 

وأضاف: وأنا وصلاح عبدالله كان بيتصرفلنا مكافأت عشان كنا بنطلع أفيهات مش مكتوبة وكان عامل لوحة فيها مكافاة وعقاب

وكشف: وعملنا انت حر مع عبدالله اسماعيل بيعلب الدور وعمل موسم على مسرح الزمالك وأنا كملت بقا وعملت دور أبوه وهي من المشاهد اللي مش ممكن تتنسى وكان في تسقفيق كتير في الصالة وصبحي عملت معاه مسريحات حلوة جدا.

وقال ناجي سعد أنه لا يفكر في دور البطولة أو أي شئ ولكن يُفكر في تقديم أدوار لها بصمة.

ناجي سعد يتحدث عن تكريمه بمهرجان القاهرة للدراما

وعن تكريمه في مهرجان القاهرة للدراما قال: أنا فؤجت بتليفون من أشرف زكي ابني واخويا وانا مش بجامله وقالي أنت من المكرمين في مهرجان القاهرة للدراما.

وتابع باكيًا:أنا مكنتش متخيل أن ليا بصمة فنية في تاريخ حياتي وأنا كنت فرحان جدًا ولما دخلت المسرح لقيت الناس بتسقف ويقفوا وانا بسال نفسي انا مين.

ناجي سعد يكشف نصيحة عادل إمام له

وكشف عن نصيحة الفنان عادل إمام له وقال:  عادل إمام قالي الممثل مش بحجم الدور انت بتعمل 4 او 5 مشاهد لو المخرج عايز حد تاني هيكلم حد تاني بس بيكلمك مخصوص عشان تحط بصمة واي دور انا بعمله بفضل ربنا بيعلق مع الناس.