راندا البحيري عن بوسي شلبي: من أنضف الشخصيات.. وشرف لأي مكان

حرصت الفنانة راندا البحيري على الدعم المذيعة بوسي شلبي بعد تعرضها لموقف محرج على ريد كاربت حفل افتتاح مهرجان القاهرة السينمائي الدولي في دورته الـ 44، وذلك من خلال منشور لها عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل دعم راندا البحيري لبوسي شلبي

حيث نشرت راندا البحيري مجموعة صور للمذيعة بوسي شلبي، وعلقت عليها قائلة: “يشهد ربنا سبحانه وتعالي على كلامي اللي طالع من قلبي.. من غير أي حسابات ولا فكرت فيه قبل ما اقوله”.

راندا البحيري تدعم بوسي شلبي

وتابعت راندا البحيري قائلة: “الست دي من أنضف وأجدع وأحسن الشخصيات اللي ممكن تعرفهم على مدار حياتك كلها .. حسيت معاها بإني في أمان دايماً إحساس محستهوش مع أقرب الناس ولا حسيته وأنا مع ناس مثلا اقربلي منها … عمرك ما تحتاجها في حاجة وتكسفك وعمرك ما تمدلها ايدك حتى لو على خلاف معاها وتقولك لا”.

وأضافت: “حتى لو كنت أنت اللي غلطان .. وبوسي شرف لأي مكان تتواجد فيه … هي بتزود أي مكان و بتخلي ليه روح و بهجه .. ياحب شغلها بشكل كبير و بتتفاني فيه … سماحة قلبها مشوفتهاش عند ناس كتير .. بحبك يا بوسي اوي و ربنا يديكي حب بجد علي اد قلبك الجميل الطيب”.

إحراج بوسي شلبي بحفل افتتاح مهرجان القاهرة

وفي وقت سابق، تعرضت الإعلامية المصرية بوسي شلبي للإحراج بعد رفض الفنان حسين فهمي التصوير معها خلال حفل افتتاح مهرجان القاهرة السينمائي الدولي في دورته ال 44.

تصريحات حسين فهمي عن رفضه التصوير مع بوسي شلبي

ومن جانبه، خرج الفنان حسين فهمي ليوضع سبب رفضه التقاط صورة له مع الإعلامية بوسي شلبي، وسبب رد الفعل الذي أثار الجدل على مواقع التواصل الإجتماعي المختلفة، ووضع بوسي شلبي في موقف محرج.

حيث قال حسين فهمي خلال مداخلة مع الإعلامي سيد علي ببرنامج "حضرة المواطن" المذاع على قناة الحدث اليوم: طلبت منها تحضر المهرجان بدون التليفون، لأنها علطول ماسكة التلفون وبتنقل لايف لا قيتها جاية المهرجان معاها تليفون، وأنا كنت رافض الموضوع  ده وقولت للناس مفيش داعي ننقل لايف ونصور بالتلفون وعندنا قناة dmc وقناة المحور بتنقل، عشان كدة رفضت اتصور معاها.