عاجل
الثلاثاء 18 يونيو 2024 الموافق 12 ذو الحجة 1445
رئيس التحرير
عمرو الديب

إنجي وجدان: فضلت اتعالج من الاكتئاب 3 سنين

إنجي وجدان
إنجي وجدان

كشفت الفنانة إنجي وجدان أنها كانت تعاني من مرض الاكتئاب في فترة ما في حياتها، وكانت تلجأ لطبيب نفسي من أجل معالجتها.

تحيا مصر يرصد لكم تعرض إنجي وجدان للإكتئاب

انجي وجدان:  انا في فترة في حياتي كان عندي اكتئاب

وقالت إنجي خلال برنامج حكايتي الذي يعرض عبر منصة Girls’ Space: انا في فترة في حياتي كان عندي اكتئاب وانا بحمد ربنا طول الوقت ولازم نحمد ربنا على اللي عندنا واللي مش عندنا واعات للي مش عندنا يبقى حاجة كويسة لينا بس غصب عنك في حاجات مش بتعرفي تتحكمي فيها .

إنجي وجدان: فضلت أتعالج من الاكتئاب 3 سنين

وأضافت: قعدت فترة أروح لدكتور نفسي بس ما يقرب من سنتين او تلت سنين بس انا دلوقتي بقيت زي الفل الحمدلله.
وتابعت: 90 % من المصريين يعتقدوا أن اللي بيروح لدكتور نفسي ده مجنون ولازم تروحي المستشفى على طول.

وكشفت: انا مامتي وبابا دكاترة ومرة مامتي قولتلها انا عندي أكتئاب ومحتاجة اروح لدكتور قالتلي ليه يا حبيبتي ما تيجي تتكلمي معايا.

واستكملت: انا بحب مامتي وهي قربة مني جدا وبنتكلم في كل حاجة بس في حاجات أنا عارفة أنها مش هتتحل بإنني أتكلم معاها بس في أوقات لازم ألجا لحد يكون عنده خبرة أكتر شوية.

وعن تعرضها للنقد قالت إنجي: أنا بتقبل النقد أكيد بس الحمد لله معظم الحاجات اللي فيها نقد بجد على شغلي أو شكلي أنا بتقبلها ومعنديش مشكلة فيها لكن مش بقبل الكومنتات المستفزة اللي بتتريق على شكل وعلى لبس وعلى شخصيتي وانا اتعودت إني مش بقرأ التعليقات السلبية بس عادي مفيش مشكلة. 

إنجي وجدان: الدكتور النفسي مش بيعالج مجانين

وتحدثت إنجي عن من يتعرضوا للتنمر وقالت: بتبقى حاجة صعبة جدًا بالنسبالهم وبيبقوا في موقف مش عارفين هيعملوا فيه إيه وبنصح الناس أن أحنا لازم نكسر فكرة أن اللي هيروح لدكتور نفسي ده مجنون هي الحمد لله بدأت تتغير شوية بس لسه في ناس بتفكر كده.

وتابعت: الدكتور النفسي مش بيعالج مجانين هو بيعالج مشاكل نفسية وكلنا عندنا مشاكل نفسية ومفيش بني أمد مش عنده مشاكل نفسية وبتختلف من واحد للآخر.

وأضافت: طبعا في ناس عندها جزء مجنون لكن دول مش بيرحوا لدكتور نفسي دول بيروحوا المستشفى، والدكتور النفسي بيساعد الناس أنها تحسن من نظرتها لنفسها ومشاكل اتعرضتلها وهي صغيرة أو هتتعرضلها.

واستكملت: أول خطة اننا لازم نقف للمتنمر متسكتش ومتسبيش اللي قدامك يوصل للي هو عايزه أنه يتنمر ويتريق ويضايقك بالعكس متوصليش لده واقفي واتصدي ليه.
 

تابع موقع تحيا مصر علي