الميت الحي.. التفاصيل الكاملة لقصة الشاب أمير: الناس بتقولي يا ميت|فيديو
ADVERTISEMENT
"عاوز أعيش زي الناس أنا موجود وميت فى نفس الوقت" بهذه الكلمات بدأ أمير محمد شوقي صاحب الـ 43 عام الذي يسكن فى شبرا الخيمة التابعة لمحافظة القليوبية التحدث عن نفسه عندما اكتشف أنه مسجل ضمن التى صعد روحهم إلى خالقهم وهو على قيد الحياة.
التقى موقع تحيا مصر مع أمير محمد شوقي وحكى تفاصيل حياته المؤسوية بعد ما اكتشف أنه متوفي ضمن سجلات الحكمومة وهو حي يرزق.
بداية الوفاه وهو حي يرزق
استمر أمير يشكي حاله موضح " أنا فى 2020 كنت رايح أجدد البطاقة الشخصية زي أي مواطن جبت الأوراق وقدمتها فى قسم تاني شبرا ولما رحت استلم البطاقة بعد 15 يوم الموظفة قالتلي إن صاحب البطاقة متوفي رديت عليها أنا صاحب البطاقة وأنا عايش مقتنعتش وأصرت إني متوفي والورق رجع تاني".
أكمل أمير "لما سألتها عن الحل قالتلي روح بنها علشان هي المسؤولة عن الأوراق فى القليوبية لما شافوا البطاقة القديمة قالولي أنت متوفي من شهر 8 عام 2014 , سألوني يمكن يكون ليك أخ بنفس أسمك توأم قطعا قلتلهم لاء".
بطاقة جديدة وهو ميت
قال أمير"بعد ذلك جبت خالي علشان يقف معايا وأنا بطلع البطاقة الشخصية علشان يصدقوا أني عايش وطلعتها وبعد كدا قلت موضوعي خلص لكن الموضوع لم ينتهي رحت أقدم لإبني فى المدرسة السنه الماضية لكن تأخر دخوله المدرسة سنه مش مقتنعين إني عايش رحت أطلع شهادة ميلاد لإبني معرفتش لما تعبت في ناس وقفت معايا علشان المدرسة تصدق أني عايش".
معاناة أمير
وأضاف أمير " أسمي مش موجود في التموين و مش عارف أعمل بطاقة تموين بشتري العيش كل يوم وأنا مش قادر على كدا وفي الشغل بتاعي رحت أعمل على حسابهم عملية فتق لما رحت المستشفى قالولي أنت ميت لازم تجيب من الشركة اللى أنت فيها ورقة تثبت أنك عايش والورقة دي بتتجد كل 6 شهور لو أنا مكنتش موظف في الشركة كان زماني لسه عيان".
شهادة الوفاه
واستطرد "رحت طلعت شهادة الوفاة علشان لما أحكي الناس تصدق إني عايش وفى الورق متوفي وتقف معايا لكن أتريقوا عليه بتاع التموين يقلي انت مش موجود بتاع الصحة يقلي أنت مش موجود وشهادة ميلاد أبني مش عارف أطلعها".
طلبات أمير
واختتم حديثه قائلا "أنا محتاج مشكلتي تتحل علشان أنا مش عارف أعيش الناس بتتريق عليا لما بيعرفوا حكايتي"
جوجل نيوز
تطبيق نبض
