عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

ويجز يكشف حقيقة تعاونه مع مدحت العدل

ويجز
ويجز

كشف مطرب الراب ويجز أنه يتمنى أن يشارك مدحت العدل في عمل فني، ويقدم بدور من كتابته، وخاصة بعد تصريحات مدحت العدل عنه.

تحيا مصر يرصد لكم تعاون ويجز مع مدحت العدل

وقال ويجز خلال لقائه عبر برنامج the insider: بتمنى وان شاء الله تشوفوني في حاجه من كتابة استاذ مدحت العدل، والعمل يعجب الناس.

وعن عودته للتمثيل مرة أخرى بعد نجاح دوره في فيلم بيمبو قال ويجز: احتمال كبير امثل تاني بس السنة الجاية لأني عايز أعمل حاجة في الوقت المناسب.

وأضاف: التجربة التانية في التمثيل أكيد هتبقى مختلفة وكل حاجه هتبقى مختلفة ووأنا مش هبقى عايز احط نفسي في قالب واحد وعايز اختبر نفسي في كل حاجه، والتمثيل بياخدك وتعيش حياة معاه لانك بتعيش في حالات معينة.

أغنية أميرة

وكانت أغنية أميرة لويجز حققت نجاحًا كبيرًا حيث تخطت الأغنية الـ 9 مليوم مشاهدة عبر قناته بموقع الفيديوهات الشهير يوتيوب.

كلمات أغنية أميرة

إيه يا أميرة عن يدي بعيدة
عايشة عيشة غير العيشة
وأنا على بابه أحلامي بسيطة
ما عدا حلم إني أكفيها

ومعيش، ومنين هنجيب؟
بشر بتجري، بتجري، بتجري وقرش خسيس
بعلّي حسي، بقول وبعيد
يا زهر مالك، سيبنا نعيش

أنا مش زي إمبارح، طمعت في الحاجات
من إمتى كانت فرقالي، غير لما الأميرة جات
أنا مش زي إمبارح، طمعت في الحاجات
من إمتى كانت فرقالي؟
أنا مش زي إمبارح، طمعت في الحاجات
من إمتى كانت فرقالي، غير لما الأميرة جات

نويت أجيب جمار والماس
وأقول يا عشق في وسط الناس
وأقضي حبس لأغنى المال
أعيش وجع وحبيبي يرتاح
تايه في بحرك عيني فداك
بسيط في دنيا سداح مداح
عيني في عينيها ولد وتاه
بكلم نفسي، نفسي أتكلم معاها

دي بنت راجل بيه، جايز كلامي معاها عيب
وأنا خفيف الضل والجيب
بديش وعود وأنا معيش شئ

حلوه كالود
كان نفسى أكون زيك
وكبرت عالدنيا والفقر عليا متأيف
بس بكرة تفرج، بكرة ترزق يبقى حيلتي
هبني قصر وأسوق حديدتي وأجيلك أنتِ

ومعيش ومنين هنجيب
بشر بتجري، بتجري، بتجري وقرش خسيس
بعلّي حسى بقول وبعيد
يا زهر مالك ما تسيبنا نعيش

أنا عايز بس نحكي، أفهم منها
بس ما بيننا لا شيء لابسة بتمن بيتي كولييه
أنا عايز بس حديدة جديدة وڤيلا
وحاجات تعجبها، وأقولها حلوة عنيكي
أنا عايز بس لبسي يخلق شئ بيننا، عشان لبسي مش هيليق
دي غلطة وبيننا مفيش
وفلوس، فلوس معدش آخرها من أولها
أنا عايز بس أعرف إيه اللي شاغلها

ولا إيه اللي قدرت عليه
مش إبن باشا والدنيا قاسية علينا
لو كان بإيدي لرمشي تمشى عليه
امسكي إيدي وهنسيكى كل اللي كدبوا عليكي

أيام يا خويا وسنوات فايتّني
حلوين كتير غيرها مش عاجبّني
وأبعدي عيون الناس
مش إبن باشا أغنيلها بإحساس

تابع موقع تحيا مصر علي