عاجل
الجمعة 09 ديسمبر 2022 الموافق 15 جمادى الأولى 1444
رئيس التحرير
عمرو الديب

تامر عاشور: كنت ببيع ألعابي عشان اشتري آلات وأغنية ذكريات كدابة اتسربت

تامر عاشور
تامر عاشور

كشف الفنان تامر عاشور انه لم يكن حلمه الغناء مُنذ الصغر بل كان يهوى التلحين فقط، وتحدث عن حبه لتلحين الأغاني مُنذ طفولته.

تحيا مصر يرصد لكم تصريحات تامر عاشور

وقال تامر عاشور خلال استضافته في برنامج أنغام التي تقدمه الفنانة أنغام ويعرض عبر قناة دي أم سي: كنت بشتغل كموسيقي ولما كنت عازف مكنتش بحلم ابقى مُغني وحتى لما غنيت والأغاني نزلت مكنش حلمي ابقى مغني.

وتابع: انا حلمي كنت ألحن وانا بقيت شاطر على المسرح بس مكنتش كده وكنت عادي زي اي حد يطلع مكنش عندي حته الطموح اني اغني.

تامر عاشور: وأنا عندي 7 سنين بعت العجلة بتاعتي واشتريت اورج

وأضاف: لما كان عندي 7 سنين كنت ببيع اللعب واشتري الالات ومرة بعت العجلة بتاعتي وكانت بـ 320 جنيه وجبت مكانها اورج واهلي كانوا بيشحعوني وامي كانت بتشجعني واهلي واهل أمي كانوا معايا وكانوا بيحبوني ومدلعني ومفيش حد فيهم كان ليه في المزيكا خالص.
واستكمل: وانا صغير كنت بسمع حاجات غريبة على سني زي عمر خيرت وكنت بحاول اعزف الجملة وكنت بعزف سماعي واطلع جمل ومش عارف انا بطلعها ازاي او معناها ايه وكنت صغير ومفيش ادراك بس كانوا في البيت مؤمنين بيا وبموهبتي، وبدأت أغني وانا عندي 16 سنة بس مكنتش بغني مع حد ولا في أي مكان وكنت بعزف ورا المطربين.

تامر عاشور: اللي سرب اغنية ذكريات كدابة وقفلي حالي

وكشف الفنان تامر عاشور ان أغنية ذكريات كدابة تم تسريبها وهو كان يتمنى ان يستكمل مشواره الفني كملحن فقط وقال: أغنية ذكريات كدابة من الحاني وكلامي وسجلتها بصوتي ونزلت بالكوالتي اللي سجلته واتسربت.
وتابع: امنية حياتي كانت التلحين مع نفسي واللي سرب اغنية ذكريات كدابة وقفلي حالي.

وعن أغنية تسلم قال: أغنية تسلم من الاغاني اللي عملت ليا شكل واسلوب معين واتعلمت قبل ما تنزل من 4 سنين.

كلمات أغنية تسلم

روح يالا العب غيرها وماتجيش
وبجملت
يجي ميت حاجه إتقالت ومفيش
حاجة كملت

كلمنجي أوي وبتحب تبان
واحد غلبان
وأنا باجي عليه
كلمنجي وعمال على بطال
إللي بيتقال
بتغير فيه
تسلم
وفر علي نفسك أي كلام علشاني
تسلم
لو متهيالك هرجع تاني تبقي بتحلم
أنا رحت وراحت برضه عليك
تسلم
فهمتك إني نسيت طب ليه مش عايز تفهم
هتعب من بعدك بس أنا تعبي فى بعدك أرحم
من تعبي اللي أنا شفته علي إيديك

مش حلوة في حقي أجي وأرجع ليك
لو تيجي
عيب قوي ميصحش أفكر فيك
ودي تيجي

كلمنجي أوي وبتحب تبان
واحد غلبان
وأنا باجي عليه
كلمنجي وعمال على بطال
إللي بيتقال
بتغير فيه
تسلم
وفر علي نفسك أي كلام علشاني

تابع موقع تحيا مصر علي