باسم سمرة: التوكتوك كارثة ولازم يختفي من مصر وهذه حقيقة خلافي مع محمد رمضان

كشف الفنان باسم سمرة حقيقة خلافه مع الفنان محمد رمضان، وذلك خلال حلوله ضيفا على برنامج “حبر سري”، الذي تقدمه الإعلامية اسما ابراهيم عبر قناة القاهرة والناس.

تحيا مصر يرصد في ذلك التقرير تصريحات باسم سمرة عن خلافه مع محمد رمضان

باسم سمرة عن محمد رمضان: فنان موهوب وأخويا الصغير

قال باسم سمرة، متحدثا عن واقعة اصطدامه بـ محمد رمضان في إحدى الأفراح: كنا في فرح شعبي وانا بحب الافراح الشعبي جدا، وانا ومحمد كنا معزومين في الفرح ده وكنا في زنقة الفترة دي ومش منورة ولا حاجة الناس كلها بتهاجمه ربنا يكون في عونه ومفيش بيني وبينه حاجة كل واحد في حتة وهو اخويا الصغير.

باسم سمرة ونيللي كريم

وعن تصريحه بشأن نيللي كريم في مسلسل ذات، أوضح باسم سمرة أنه لم يكن يقلل من شأن نيللي كريم ولكن هو كان يتحدث عن الواقع، مردفا: أنا وصابرين اللي كنا ركبين في المسلسل وظاهرين وهي كانت مستغربانا ومكنتش مستوعبة ازاي بنرتجل كدة، وشطارة منها انها عرفت تركب معانا وحققت نجاح كبير في المسلسل والمسلسلات اللي بعد كدة وده مش معناه اني بقول اني ليا فضل عليها خالص.

باسم سمرة عن محمد فراج: ممثل رائع مفيش كلام

وكشف أيضا عن خلافه مع الفنان محمد فراج، خاصة وأنه من المقرر ان يشاركه في عمل درامي يعرض ضمن السباق الرمضاني 2023، فقال: بقالي سنتين مشوفتش محمد فراج، وهو ممثل رائع مفيش كلام، واللي حصل بنا كنا بنضحك عليه في التصوير امبارح.

وأشاد باسم سمرة بالفنان الكوميدي محمد هنيدي، فقال: بحب محمد هنيدي جدا وبحترمه وهو فنان كبير وجميل وبيدكي فرصة، وشغال فيه بدور محدود مش كتير".

وتابع، كاشفا عن أعمالها الفنية المقبلة: عندي في رمضان مسلسل بابا المجال مع مصطفى شعبان، وعندي مسلسل بطن الحوت مع محمد فراج وأسماء ابو اليزيد.

وعن أكثر الشخصيات التي يتمنى تجسيدها، قال باسم سمرة: نفسي أعمل شخصية محمد نجيب، وهبقى شبهه بس يدوني الدور، وهيكون ليا الشرف اني اعمل الشخصية دي.

باسم سمرة يهاجم سائقي التكاتك من الشباب

وهاجم باسم سمرة فكرة التوكتوك، قائلا: التوكتوك مش صنعة والشباب مش بيستفاد منه بحاجة وبيطلع الواد صابع وبيتحرش بالبنات اللي راكبة معاه هو وصحابه هو كارثة.. يارب يختفي من مصر خالص ويرجع الشباب يشتغل