تامر فرج يكشف حقيقة تورطه في حادث سير: حد يطمني عليا

سخر الفنان تامر فرج من الشائعات التي تدور حول تعرضه لحادث سير، وذلك عبر حسابه الرسمي بفيسبوك. 

تحيا مصر يرصد لكم سخرية تامر فرج من شائعات حادث السيارة 

تامر فرج عبر فيسبوك

وكتب تامر فرج عبر فيسبوك: لا يا جماعه كده الموضوع كبر وانا ابتديت اقلق.

وتابع: لو حد بس ممكن يطمنى عليا ويقولى الموضوع انتهى عليا، عشان انا مش عارفنى وبيقولك التحقيقات أسفرت و كواليس ومفاجأت وحاطين اسامى ورتب فاضلهم مقدم ويقيموا الحرب على الإرهاب.. اه يانا ياماه.

تامر فرج وظاهرة التريند 

ويذكر، أن تحدث تامر فرج عن ظاهرة التريند التي انتشرت خلال الفترة الماضية بسبب السوشيال ميديا، كما كشف أن هذه الظاهرة تؤثر بالسلب على بعض الفنانين.

وقال تامر في تصريح خاص لموقع تحيا مصر: التريند في حد ذاته شئ محمود انا معنديش مانع أن ولد غلبان يعمل تريند أو يطلع تريند من حقه أنه يتبسط والناس تبص عليه وجيرانه ويتبسطوا بيه.

وتابع: بعد كده البرامج والمواقع تستضيفه من حقه اهو يفرح والناس تتبسطلوا ومن حقه يفرح حتى لو مش بيقدم اي حاجه.

وأضاف: بس الموضوع لازم يتوقف هنا لكن شركات الانتاج وشركات الدعاية تيجي تستغل هذا التريند وتفرضه على مجالات هو لا يعلم بيها وفي ناس متخصصه في مجالات دي بتقعد في البيت.

واستكمل: هنا لازم نقف مينفعش أنه يجي ياخد دور في مسلسل وفي واحد خريج معهد قاعد في البيت بياخد دوره، ومينفعش يعمل إعلان وفي ممثل قاعد في البيت مش بيعمل اعلانات.

تامر فرج: بقينا بنعبد التريند 

وتابع: لازم نفهم أن التريند موجود في كل أنحاء العالم لكن احنا هنا بنعبد التريند، وأنا بحب اقفل عليا بيتي وحياتي الخاصة تبقى ملهاش دعوة بالسوشيال ميديا واذا كان في حد بيسعى من الفنانين أنه يطلع تتريند هو معذور لان بنشوف منتجين وناس مختصين في الصناعة بيدوروا انهم يدوا الادوار لمين عنده متابعين أكتر.

واستطرد: في فكر غير مضبوظ ولازم انه يتغير عشان الأمور ترجع لمسيرها الصحيح ولازم نبعد الاعلان عن الاعلام.

وتابع: الاعلام دلوقتي بيتحكم في كل حاجة بأن الشركة الإعلانية أو الوكيل الإعلاني بقى يقول أحنا عايزين الممثل ده عشان عنده عدد متابعين كتير وكده الاعلان هيتشاف اكتر.

واختتم: أحنا مبقناش نفكر خالص في قيمة العمل اللي احنا هنعمله والمفروض نفكر فيه ونجيب الشخص اللي ينفع يعمله.