سوسن بدر تكشف كواليس عملها مع سعيد صالح وعادل إمام

كشفت الفنانة سوسن بدر كواليس عملها مع الزعيم عادل إمام ونجم الكوميديا الراحل سعيد صالح في بداية حياتها الفنية مشيرة إلى انها تعلمت منهم الكثير.

تحيا مصر يرصد في ذلك التقرير كواليس عمل سوسن بدر مع عادل إمام وسعيد صالح

مواقف طريفة لـ سوسن بدر مع عادل إمام

تحدث سوسن بدر عن مواقف طريفة مع عادل إمام أثناء لوكيشن التصوير، فقالت: في عمل فني استاذ فاضل قالي بتعرفي تسوقي عربيات قولتله طبعا بعرف اسوق وأنا عمري في حياتي ما جربتها أخري كان الاوتوبيس، وبعدها قالولي اركبي العربية وأول ما طلعت العربية دخلت في موجة بكاء وحستني في ورطة.

وتابعت: استاذ عادل كان عامل شاهد مشافش حاجة وكنت خايفة إن أنا اللي هبهدل اللي عمله النجوم الكبار دول، بعدها استاذ عادل فهم على طول فقولتله والله ما تقولهم، وبعدها عادل إمام قال وصعبت على مدير التصوير استاذ محسن نصر، وهو اللي عمل الدور والمشاهد القريبة فهموني أعمل ايه واستاذ عادل ما كان قلقان الا انه كان بيشجعني.

سوسن بدر عن سعيد صالح: كان مرح في اللوكيشن

وتطرقت سوسن بدر بحديثها عن سعيد صالح وعادل إمام فقالت: الناس دي علمتني كتير وسعيد صالح كان بيطبطب علينا ويشجعنا ولو لقى ممثل مهما كان حجم دوره وعنده شكل افيه حلو كان بيطبقهوله.

وتابعت: استاذ سعيد كان مرح جدا في اللوكيشن وكان طول الوقت بيطمن علينا وكنت بضحك واستاذ عادل الشغل عنده شغل فكان بيبصلي أقوله هو اللي ضحكني.

بداية سوسن بدر وبدايتها في الفن

وكشفت سوسن بدر خلال البرنامج عن بدايتها في الفن، فقالت: أما قررت أمثل أبويا قالي خدي ثانوية عامة وهاتي مجموع كويس واعملي اللي انتي عيزاه، بعدها قالي ادخلي كلية علوم وخلصي الكلية وبعدها ادخلي المعهد عشان هو ممكن ميكونش كافي للحياة ووافقت عشان مكنتش بحب ازعله، وأما دخلت علوم حسيت قد ايه أنا غريبة في المكان ده، لكن المعهد حسيت اني انتمي ليه وجز منه وكان أول عمل ليا أحلام الفتى الطاير وحبيبي دائما أول دور في السينما.