شيرين رضا تكشف سبب غيابها عن السباق الرمضاني المقبل

كشف الفنانة شيرين رضا عن كواليس تصوير مسلسلها الحالي  حدث بالفعل، كما كشف عن سبب غيابها عن السباق الرمضاني الموسم المقبل 2023.

تحيا مصر يرصد لكم سبب غياب شيرين رضا عن السباق الرمضاني المقبل

وقالت شيرين خلال لقائها في برنامج أي تي بالعربي: أنا بصور المسلسل اللي شغالة عليه دلوقتي والمفروض هيتعرض في يوم 31 ديسمبر وبقالي شهرين بصور ولسه بنصور.

وعن مشاركتها في السباق الرمضاني المقبل قالت شيرين ممازحة: تفتكر لو حد جه قالي دلوقتي تعالي نصور لرمضان هخنقه إزاي، أنا فعلا تعبانة جدا لأن المسلسلات صعبة وشغلها صعب.

شيرين رضا: أنا خارج السباق الرمضاني لاني معنديش وقت

وتابعت: المسلسلات أصعب من الأفلام بكتير فأنا بكل تأكيد خارج السباق الرمضاني لأن معنديش وقت.

شيرين رضا تتحدث عن علاقتها بـ دينا الشربيني

كما تحدثت شيرين رضا عن تفاصيل تعاونها مع الفنانة دينا الشربيني في مسلسل حدث بالفعل، وقالت شيرين رضا: مش أول مرة أحنا عملنا فيلم "كدبة كل يوم" مع بعض، أنا ودينا أصحاب من زمان، أنا كان المفروض أعمل حلقة تانية لوحدي ولما قالوا تعملي حلقة مع دينا الشربيني قولت طبعا، إحنا معندناش فرصة نقابل بعض في الحياة العادية لأن كل واحدة فينا مشغولة بأعمالها، عندنا 6 أو 7 أيام كل يوم مع بعض، قاعدين مع بعض في نفس "الكرفان" مع أن كل واحدة عندها مكان لوحدها، لكن بنغير مع بعض ونحط مكياج مع بعض.
واستكملت: طالعين إخوات المسلسل عن قصص حقيقية، المؤلف أخذ قصص من دكاترة نفسيين في الوطن العربي وأخد منهم القصص الحقيقية المفزعة.

شيرين رضا تتحدث عن سبب منع عرض فيلم القاهرة مكة

وتحدثت شيرين رضا عن سبب منعه عرض فيلم القاهرة مكة في فعاليات مهرجان البحر الأحمر السينمائي في دورته الثانية، حيث قالت شيرين رضا: “مش عايزة أعيب في حد بس احنا بنعمل فن، ومعتقدش المتشددين ليهم دعوة بينا، لأن الأفلام حرام فبيتفرجوا عليها ليه، ومفيش منع في مصر، ومعرفش ليه الرقابة متدلوش تصريح بس أكيد عندهم سبب، بس مش خوف من حد، الفيلم مفيهوش مشاكل”.