شوفت سيدنا النبي في المنام ولازم أبوس أيد جوزي.. أبرز تصريحات الفنانة حنان شوقي

حلت الفنانة حنان شوقي ضيفة على برنامج كلام الناس والتي تقدمه الإعلامية ياسمين عز ويعرض عبر قناة أم بي سي مصر.

تحيا مصر يرصد لكم تصريحات حنان شوقي

ونستعرض لكم في التقرير التالي أبرز تصريحات الفنانة حنان شوقي

- في رمضان ختمت القرآن وأنا قاعدة على السرير أنا في ليلة القدر أنا شفت سيدنا النبي يقظة مش منام، ودي غيرتني 360 درجة، اتهديت زي ما ربنا عاوز في كل شيء.

-أنا رميت الدننا ودوست عليها وبما فيها، وقررت أشتري نفسي وقلبي وروحي.

- أنا بقدس الزواج، والزواج فيه كل أسماء الله الحسنى.

- الزواج عملية جامدة جدا وأنا بحبها وحساها جوايا، ولو محستهاش في الحياة بجد يبقى قلتها أحسن، وأنا لازم أبوس إيد جوزي وأبوسه وأقوله عايز حاجة مني؟.

- أنا كتلة حب متحركة على الأرض، وأنا حياتي كلها حب وقلبي مش بينبض غير بالحب بس الحب الحقيقي.

- أنا بحب الحب المتبادل، واللي اتقدمولي كان حبهم كاذب وربنا كان بيبن لي، والبني آدم بيبان من موقف أو كلمة أو حركة، وأنا حساسة جدا وقلبي رباني بحس باللي بيقولي بحبك بجد.

- أنا عايزة أتحب حب حقيقي لا يتجزأ، علشان لما نعجز نفضل نحب بعض، وبتمنى يكون فيه ود ورحمة وحنية، ولو مفيش كده يبقى قلته أحسن.

- لما دخلت عالم السوشيال ميديا لقيت كله بيقول رجلين حنان بعد مشهد الكوتشينة والشورت الأصفر، حسيت إن الناس دي بتاجر ومفيش فن، وعلشان الناس المريضة نفسيا يقولوا رجلين حنان شوقي، وشهوتهم هي اللي بتخليهم يشوفوا المشهد ده.

- بعد مشهد الكوتشينة والشورت الأصفر، كنت باخد صور فوتوغرافيا ومرة واحدة لقيت رجلي اتلوت وجالي تمزق في الأربطة، وساعتها أستاذ عادل إمام قال إني خدت عين.

هجوم حنان شوقي على محمد رمضان 

ومن جانب آخر، سبق وهاجمت حنان شوقي الفنان محمد رمضان وقالت حنان: لا أحب اتابع أي حاجة لمحمد رمضان، عشان مش بعرف اتفرج على حد مش صادق، على أنه عنده كاريزما وبيمثل مثل أحمد زكي حتى بلعان الريق، وأنا مش بحب البني آدم اللي يجور على بني آدم، ويأخذ بنط على السوشيال ميديا، ويضيع حياة بني آدم، ويضيع كيان واحد طول الوقت عايش فيه، ده ميبقاش فنان، الفن دا ارقى شئ في الوجود، مش هشتغل معاه حتى لو اداني ملايين الملايين، وهو اللي عمل كدا في نفسه”.