حمزة نمرة بعد نجاح ألبوم نمرة لاونج: شجعتوني أغامر تاني

أعرب الفنان حمزة نمرة، عن سعادته بردود فعل الجمهور على ألبومه الجديد نمرة لاونج، فضلًا عن تصدره تريند يوتيوب.

تحيا مصر يرصد تعليق حمزة نمرة على نجاح ألبومه. 

ونشر حمزة نمرة صورة عبر حسابه الشخصي بموقع يوتيوب، وعلق عليها قائلًا: الصراحة ما توقعتش إن ألبوم نمرة لاونچ يوصل تريدينج لأسباب كتير، لكن فرحت جدًا بردود الأفعال الجميلة واستقبالكم الرائع للألبوم.

وتابع حمزة نمرة: كان عندي تصور إن محبي المزيكا والسلطنة قليلين وإن الطلب على الألبومات الموسيقية ضعيف، بدليل إن مفيش حد بيعمل كده دلوقتي إلا نادرًا، لكن قولت أغامر وأراهن على ذوقكم، اللي ما خذلنيش والله،  فشكرًا من قلبي وشجعتوني إني أغامر تاني وتالت.

حمزة نمرة يكشف عن النادي الذي يشجعه

وقال حمزة نمرة: أنا كنت أهلاوي ودلوقتي بشجع الجميع وبلعب كورة مع صحابي، ولكن لازم مع تقدم السن أخلي بالي من نفسي وأنا بلعب طبعا وولادي بيكملوا المسيرة وبيشجعوا ليفربول.

وتابع: ما أخدتش ولادي في بريطانيا لمقابلة محمد صلاح قبل كده رغم أنهم بيشجعوه وبيحبوه جدا، وهحاول أقابله الفترة الجاية إن شاء الله لكن أنا اتكلمت معاه قبل كده على تويتر واتواصلنا مع بعض من خلال مواقع السوشيال ميديا.

حمزة نمرة يتألق بأغنية احكيلك خوفي

وتألق حمزة نمرة بأغنية "أحكيلك خوفى" على موقع يوتيوب، وهى ثامن أغانى ألبومه الجديد الذى يحمل اسم "مولود سنة 80" الذى بدأ فى طرح أغنياته منذ 16 ديسمبر الماضى، والأغنية من كلمات عمر طاهر، ألحان حمزة نمرة، توزيع مصطفى نجم، وتأتى بعد النجاح الذى حققه الألبوم منذ صدور أول أغانى الألبوم.

وتقول كلمات الأغنية:

الرعب ف أفلام السيما بقى دمه تقيل
الرعب ف أفلام السيما أصلا تمثيل
الخوف اللي بجد بأعيشه بره القاعة
عفاريت وبتطلع في نهاري وكمان بالليل

أحكيلك خوفي

أحكيلك خوفي من الوحدة ولا المجهول
ومكالمة مهمة بتديني دايما مشغول
والخوف على ناس جوه عيوني ليفارقوني

والخوف من طولي وانا باحلم ما أقدرش أطول

وبخاف لا يكون عندك جوه وتقول لي ما فيش
وبتجري البطلة في السيما خايفة لا تموت
إنما أنا واقف في مكاني من خوفي لأعيش

نجم الشباك اللي مخلي الفرجة ببلاش
الخوف بيحبه وبياخد وبيدي معاه
السيما بتقفل وده عرضه دايم ًا شغال
!مع كل بطولة بيفوض أمره لله

أحكيلك خوفي من الوحدة ولا المجهول
ومكالمة مهمة بتديني دايما مشغول
والخوف على ناس جوه عيوني ليفارقوني
والخوف من طولي وانا باحلم ما أقدرش أطول

وبخاف لا يكون عندك جوه وتقول لي ما فيش

وبتجري البطلة في السيما خايفة لا تموت
إنما أنا واقف في مكاني من خوفي لأعيش

نجم الشباك اللي مخلي الفرجة ببلاش
الخوف بيحبه وبياخد وبيدي معاه
السيما بتقفل وده عرضه دايم ًا شغال
!مع كل بطولة بيفوض أمره لله

أحكيلك خوفي من الوحدة ولا المجهول
ومكالمة مهمة بتديني دايما مشغول
والخوف على ناس جوه عيوني ليفارقوني
والخوف من طولي وانا باحلم ما أقدرش أطول

وبخاف لا يكون عندك جوه وتقول لي ما فيش

الرعب ف أفلام السيما بقى دمه تقيل
الرعب ف أفلام السيما أصلا تمثيل
الخوف اللي بجد بأعيشه بره القاعة
عفاريت وبتطلع في نهاري وكمان بالليل