سوسن بدر زوجة تانية في مسلسل حرب الجبالي

كشفت الفنانة سوسن بدر عن دورها في مسلسل حرب الجبالي والذي انتهت من تصويره خلال الفترة الماضية ومن المقرر عرضه قريبًا.

تحيا مصر يرصد لكم شخصية سوسن بدر في مسلسل حرب الجبالي

وقالت سوسن بدر خلال لقائها في برنامج  the insider العمل صعب جدًا وأحمد رزق عامل دور كويس وحلو جدًا.

وتابعت:أنا طالعة بشخصية أم أحمد وهكون طالعة زوجة تانية وصديقة للزوجة الاولي ومفيش ما يدعو للعداوة بينهم بالعكس في علاقة انسانية حلوة وابنها كبير المقام والحارة وبتقابلوا مشاكل وتحديات في الحياة وبيشوف موقفها ايه وموقف مرات ابوها منها ايه

مسلسل حرب الجبالي

مسلسل "حرب الجبالى" يشارك فى بطولته عدد كبير من الفنانين، حيث يضم فى قائمة أبطالهأحمد رزق، سوسن بدر، هبة مجدى، نسرين أمين، رياض الخولى، صلاح عبد الله، فردوس عبد الحميد، أحمد خالد صالح، لقاء سويدان، أشرف عبد الغفور، خالد كمال، أحمد عزمى، دنيا المصرى، صفوة وعدد آخر من الفنانين جارى التعاقد معهم، وهو تأليف سماح الحريرى وإخراج محمد أسامة.

سوسن بدر: عندي معجبين كتير لغاية دلوقتي

تحدث سوسن بدر خلال الحلقة عن جمالها الساحر وملامحها الفرعونية الخاطفة للأنظار وعن أحساسها بذاتها لـ هذا الأمر، فقالت سوسن بدر: عمري ما اهتميت ولا ركزت مع شكلي الحلو وكان كل اللي يهمني اني أكون ممثلة جامدة جدا، وكان عندي معجبين كتير في طفولتي ولحد النهاردة، وملامحي مصرية زي ملامح أي حد موجود في مصر.

مواقف طريفة لـ سوسن بدر مع عادل إمام

وتحدث سوسن بدر عن مواقف طريفة مع عادل إمام أثناء لوكيشن التصوير، فقالت: في عمل فني استاذ فاضل قالي بتعرفي تسوقي عربيات قولتله طبعا بعرف اسوق وأنا عمري في حياتي ما جربتها أخري كان الاوتوبيس، وبعدها قالولي اركبي العربية وأول ما طلعت العربية دخلت في موجة بكاء وحستني في ورطة و استاذ عادل كان عامل شاهد مشافش حاجة وكنت خايفة إن أنا اللي هبهدل اللي عمله النجوم الكبار دول، بعدها استاذ عادل فهم على طول فقولتله والله ما تقولهم، وبعدها عادل إمام قال وصعبت على مدير التصوير استاذ محسن نصر، وهو اللي عمل الدور والمشاهد القريبة فهموني أعمل ايه واستاذ عادل ما كان قلقان الا انه كان بيشجعني.