طرح فيديو كليب "قمر ومنور" لـ رامي جمال| شاهد

طرح المطرب رامي جمال فيديو كليب جديد لـ أغنية “قمر ومنور” من ألبوم “يستاهل بوستين”، وذلك عبر القناة الرسمية لشركة “نجوم ريكوردز” على موقع الفيديوهات العالمي “يوتيوب”.

تحيا مصر يرصد طرح فيديو كليب “قمر ومنور”

أغنية قمر ومنور من كلمات عمرو المصري الحان محمود انور توزيع اسامه الخطيب ميكس وماستر برو ميوزك ستوديو تصوير شادي قاسم ستايلست ناريمان.

كلمات أغنية قمر ومنور

حبيبي يا اللي قمر ومنور دنيتي بيك
تعالى بس أحكي لك قرّب خايف ليه
حبيبي يا اللي قمر ومنور دنيتي بيك
تعالى بس أحكي لك قرّب خايف ليه
ده كلام بيننا وسر في بير
حكايات بين لحظة والثانية
أنا لو أوصف حاسس إيه
أحتاج ستين سنة قدام
مفيش حاجة حبيبي معاك بتشغلني
نسيت روحي نسيت الناس
طول ما أنا جنبك كله تمام
تقول كلمة شوق بعنيك بتقتلني
سنين قبلك ضاعت راحت بس خلاص
لقيت بحر من الحنية ومن الإحساس
سنين قبلك ضاعت راحت بس خلاص
لقيت بحر من الحنية ومن الإحساس
في عينيك بهدى أنا وبرتاح
ومعاك عيشت أنا الدنيا
أنا لو أوصف حاسس إيه
أحتاج ستين سنة قدام
مفيش حاجة حبيبي معاك بتشغلني
نسيت روحي نسيت الناس
طول ما أنا جنبك كله تمام
تقول كلمة شوق بعنيك بتقتلني
أنا لو أوصف حاسس إيه
أحتاج ستين سنة قدام
مفيش حاجة حبيبي معاك بتشغلني

تجربة رامي جمال مع البهاق

وسبق وتحدث رامي جمال عن معاناته مع مرض البقا وقال رامي في احدي التصريحات التليفزيونية: “فى البداية كنت بشوف المرض إنه مشكلة، وكنت شايف أنه حاجة هتأثر على مستقبلي، اتعرضت لمواقف كتيرة لما ناس بتسلم عليا بعد كدا يسئلوني هل المرض دا معدي واللي حصل ليا حب من ربنا وبيختبرني هل أنت راضي ولا لا وأنا راضي جدًا.. مرض البهاق ملوش علاج لكن في أدوية بتوقف انتشاره فى الجسم وأنا ممنوع منه بسبب أن عندى مرض السكري، وممنوع من الكورتيزون وبقيت مضطر أسيبه ينتشر في جسمي.. الجميع اتعاطف معايا بعد إعلان مرضي بالبهاق ومعنديش مشكلة مع مرضي”.