مسلم: كنت مؤذن وأنا عندي 15 سنة.. ومش هقدم مهرجانات تاني

كشف المطرب مسلم عن المهن التي عمل بها قبل الشهرة والدخول في مجال الغناء، وذلك خلال لقاءه اليوم ببرنامج “كلام الناس” مع المذيعة ياسمين عز.

تحيا مصر يرصد تفاصيل تصريحات مسلم في “كلام الناس”

حيث قال مسلم: “قعدت 3 سنين مؤذن قبل الشهرة وأنا عندي 15 سنة، كان فيه جامع تحت البيت.. كنت كل صلاة أنزل أذن، وكنت ممكن أقعد من الفجر لغاية الساعة 7 الصبح بصلي في الجامع، وبعدها بدأت أخد خطوة في الغنا”.

مهن عمل بها مسلم قبل الشهرة

وتابع: “أنا من زمان كان والدي مطرب وكنت بدرس في الأوبرا في مسرح سيد درويش وأخدت الأول على الجمهورية من أستاذ هاني شنودة.. أنا معتز جدا بحتة الدين ودايما عارف أني مليش غيره في الأخر بس أنا من جوا نفسي بحب موهبتي وبحس أن ربنا مديهالي عشان استخدمها في الخير”.

وعن المهن التي عمل بها قبل الشهرة قال مسلم: “في البداية اشتغلت في مطعم كنت بقطع عيش  وواحدة واحدة اترقيت وبقيت كاشير، وبعد كدا قولت ليه مفتحش حاجة لنفسي فروحت فاتح صالة بلايستيشن”، مضيفًا: “مش حابب أقدم مهرجانات تاني عشان أنا مش شايف نفسي في الحتة دي”.

مسلم وزوجته

وفي الحلقة ذاتها، تحدث المطرب مسلم عن زوجته وعلاقته بها ومدى غيرتها عليه، حيث قال مسلم: “كلنا بنغير بس مراتي غيرتها محترمة شوية.. ومش بتخنق من الغيرة وفي الحفلات بتبقى معايا، وبتتقبل المعجبات وبتبقى فرحانة بنجاحي”.

وتابع: “مراتي مفيش في جدعتنها وطيبتها وهي بنت ناس ووقفت معايا كتير واحنا مع بعض حتى في الشغل عشان هي مصورة، كلنا بنغير بس هي غيرتها محترمة شوية.. ومش بتخنق من الغيرة والحفلات بتبقى معايا، وبتتقبل المعجبات وبتبقى فرحانة بنجاحي”.

مسلم وسلطان الشن 

وكان قد حذر المنتج سلطان الشن مع أي تعاون مع مطرب المهرجانات مسلم، مؤكدًا أنه سيقوم بغلق كل تلك الأعمال، وذلك عبر خاصية ستوري بحسابه الرسمي بانستجرام.

وكتب سلطان الشن عبر خاصية ستوري بموقع تبادل الصور والفيديوهات الشهير انستجرام: توضيح هام لجميع الشركات أو أصحاب القنوات أي شغل هينزل لأى حد من التيم بتاعي وبالأخص "مسلم" هيتم قفله فى نفس اللحظة على اليوتيوب أو على أى منصة من المنصات وهيكون فى رد قانوني بإذن الله.

وتابع سلطان الشن: أنا ليس لي مع مسلم أى خلافات وأن شاء الله كل شىء هيكون تمام ويرجع لكم.