وفاء عامر: العيلة دي تعويض عن أذى نفسي مريت بيه وبحضر لشخصية بتتاجر في أحلام الناس

حلت الفنانة وفاء عامر ضيفة على برنامج مساء dmc، الذي تقدمه الإعلامية ايمان الحصري، وتحدثت من خلاله عن أعمالها الفنية في 2022، والأعمال التي تحضر لها في 2023.

تحيا مصر يرصد في ذلك التقرير تصريحات وفاء عامر في مساء dmc

وفاء عامر: اتظلمت في عمل فني واتطعنت في ضهري

قالت وفاء عامر: العيلة دي تعويض عن عمل نفسي مريت بيه في وقت ما، حسيت إن اتظلمت في عمل ما كنت رايحة أساعد وأقف في ضهر حد وطعني في ضهري، ودا كان قريب ولقيت انه بيتعرض عليا حاجات وكنت بمضي رغم إني كنت عايزة أعمل عمل واحد، ودور هلالية كان الانتاج مستنيني قدام البيت وكنت بعيط عشان معنديش وقت.

وتابعت: راجعين يا هوى كانت أرومة شك كبيرة مبتبخلش على العمل بحاجة، وبيت الشدة كذلك والعيلة دي مضيته في شهر 6 والبطل في الموضوع استاذ يوسف الفخراني وعارفة هو مؤمن بإيه وبيروح فين، عشان كدة كنت متأكدة إن العيلة دي هيطلع كويس، وإحنا مكروتنكوش في الحلقة الأخيرة هي كانت سخنة.

وفاء عامر: بحضر لشخصية بتاجر في أحلام الناس 
 

وعن أعمالها الفنية المقبلة، قالت وفاء عامر: كان نفسي أرجع اشتغل مع مخرج جبل الحلال والحمدلله أمنيتي اتحققت السنة دي، وسعيدة أوي وحاسة السنة دي هيكون عظيم، وهو حضرة العمدة وبعمل فيه شخصية مختلفة، والشخصية بتتاجر في أحلام الناس وفيها أذى.

وعن الأشخاص المؤذيين في حياتها، قالت وفاء عامر: قابلت شخصيات مؤذية كتير لكن دول بيدوني طاقة، والمؤذي ده متخلهوش يدافع عن نفسه طالما متأكدة إنه مؤذي لانه مبيتغيرش وكل ما تنجحي هيتعب أكتر .

وعن عيوب السوشيال ميديا، قالت وفاء عامر:  الهجوم على الناس الإيجابية زي ما بيكون فيه حد بيدعي للتضامن وإننا نكون واحد ووطن عربي واحد، فيه فئة بتدخل تهاجمه بس طبعا مباحث الانترنت النهاردة كويسة.

تفاصيل مسلسل العيلة دي

مسلسل العيلة دي تدور الأحداث في إطار اجتماعي كوميدي، حول عائلة مصرية تنتمي للطبقة المتوسطة، ويتم من خلال تلك الأسرة طرح عدة مشاكل وقضايا إنسانية تحدث بالفعل في مجتمعنا الحالي، ويضم مسلسل العيلة دي عدد كبير من نجوم الفن ومنهم ضياء الميرغني، محمد ثروت، إنعام سالوسة، إسماعيل فرغلي، سلوى عثمان، يوسف عثمان، علا رامي، إسلام ابراهيم، وفاء عامر.