تعليق محمود سعد على فيديو مرتكبي الفعل الفاضح في الطريق العام: المجتمع هيمزق البنت لكن الولد لا

علق الإعلامي محمود سعد على واقعة مرتكبي الفعل الفاضح في الطريق العام، وذلك خلال فيديو له عبر حسابه الرسمي بموقع التواصل الاجتماعي فيسبوك.

تحيا مصر يرصد تعليق محمود سعد على مرتكبي الفعل الفاضح في الطريق العام.

أبرز تصريحات محمود سعد عن واقعة مرتكبي الفعل الفاضح في الطريق العام

قال سعد: شوفت الفيديو غصب عني فعل سيء ومرفوض، لحي هيمزق البنت تمزيقًا لكن الولد لأ، هما صغيرين وصغر السن أحيانا بيشفع لانفعالات الشباب.. هنقعد كلنا نحاسب البنت ده في شيء من القسوة.

وتابع: مع الاعتراف أن الفيديو كان في خطأ كبير، انشروا دعمكم للبنت علشان تدعموا الأب والأم وتقدر تمشي حياتها، ومقدرش أقول المجتمع في تسيب وانحلال.. لأن في حاجات كتير حلوة وإحنا عددنا تخطى الـ 100 مليون.

كشف الإعلامي محمود سعد، عن حقيقة عودته للتلفزيون من خلال شاشة قناة النهار، وذلك خلال حواره مع الكاتب تامر عبده أمين على تويتر.

قال محمود سعد: أنا من أسعد الناس إني مشيت من التلفزيون والعودة اللي هيعملوها قريب.. أنا مش هرجع.. هما هياخدوا المادة بتاعة يوتيوب ويعرضوها على قناة النهار.. هيسعدني إن الناس اللي مش بتشوف يوتيوب تتفرج عليا على قناة النهار.

وتابع: مبسمعش نفسي خالص ومبقدرش اسمع صوتي خالص، ولما حصلت كورونا معرفناش ننزل نصور باب الخلق، ومكنش عندي حاجة غير إني أحكي ولقيت استحسان عند البعض.. وبحس إن الحكايات اللي بحكيها بتمس مشاعر ناس كتير بيمروا بنفس الظرف، بيبقى فيها نوع من أنواع الطبطبة على الناس وميحسوش إنهم لوحده وإن اللي بيعمل كده يبطل.. فيها معاني كتير جدًا.

وأضاف: هبة شلبي بتشتغل معايا من سنة 2003 بقالها 20 سنة، فهي فاهمة الشغل كويس.. وهي اللي أصرت عليّا في موضوع اليوتيوب من حوالي 7 سنين ومسمتعش لكلامها غير من حوالي سنتين.. وفي يوم لقيت حوار ينفع ينزل على يوتيوب.. وبعدين هي اللي بقيت تعمل كل حاجة.

واختتم حديثه قائلًا: لم أحلم بمكانتي الحالية.. الحياة مشيت بيا في سكك متعرجة كتير.. خدتني في أماكن مش مخطط لها.. خطط لإثبات وجودي في مهنة اخترتها.. أنا خريج آداب تاريخ واخترت المهنة دي.. والمهمة كانت في غاية الصعوبة.

علق الإعلامي محمود سعد عن موهبة مغني الراب ويجز، وذلك خلال فيديو عبر قناته الرسمية بموقع الفيديوهات الشهير يوتيوب.  

أبرز تصريحات محمود سعد عن ويجز 

- ويجز بيأسس لفن جميل وتعالوا نساعده

- تعالوا نقول لـ ويجز انت جميل بس محتاج كذا

- ويجز ده حاجة لطيفة

- من ساعة ما شوفت حفلته أول امبارح بدأت اشوف أنه مفيش مانع الواحد يكون في مكان ويرقص على المزيكا دي

- وملهاش علاقة بالسن حتى لو عندك 100 سنة

- المزيكا اللي بتحرك مشاعرك دي حاجة حلوة جدًا