عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

بعد سخريتهم من دعمه لـ منة شلبي.. تامر حبيب للجمهور: كلنا عارفين إتجاهتجم وقصدكم ايه

تامر حبيب
تامر حبيب

أعرب السيناريست تامر حبيب عن غضبة من سخرية الجمهور من منشور دعمه لـ الفنانة منة شلبي بعد الحكم عليها بالسجن مع إيقاف التنفذ، في تهمة حيازة مواد مخدرة بقصد التعاطي.

تحيا مصر يرصد في ذلك التقرير رسالة تامر حبيب للجمهور بعد سخريتهم من منشور دعمه لـ منة شلبي

تامر حبيب عن السخرية من منشور دعمه لـ منة شلبي: الموضوع استفزني جدا

كتبت تامر حبيب عبر حسابه الرسمي بموقع التواصل الإجتماعي “فيسبوك”: فوجئت بناس كتير بتعمل ايموچي ضحك علي تعليقات اصدقائي في البوست اللي نزلته من شوية بقول فيه الحمد لله علي الحكم في قضية منة شلبي، و الموضوع استفزني و ماكنتش فاهم ليه، فدخلت اشوف مين الناس اللي فشتها عايمة قوي كده، لقيتهم كلهم ناس ماعرفهومش و من پروفايلاتهم اي عيل اهبل يفهم الناس دول اتجاهاتهم ايه و قصدهم ايه…. فتمام، اضحكوا جامد.

تامر حبيب: بتسخرو من خبر مبهج مفرح كل البني أدمين

وتابع تامر حبيب حديثه: لي الاقل انتوا بتضحكوا او بتسخروا من خبر مبهج و مفرح كل البني آدمين اللي تتوفر فيهم مواصفات الانسانية…. و ان شاء الله لما نشوفكم في مصايب و ازمات و محن تحرق قلوبكم و قلوب اللي بيحبوكم ، ده لو كان فيه حد بيحبكم او كنتوا تفهموا اصلاً يعني ايه حب، احنا مش هانضحك… احنا هانقول اللهم لا شماتة، و حسبنا الله و نعم الوكيل.

منشور تامر حبيب

تامر حبيب يدعم منة شلبي

وكان قد شارك تامر حبيب صورته رفقة منة شلبي على حسابه الرسمي بموقع تبادل الصور والفيديوهات انستجرام، وعلق عليها: الحمدلله، ربنا كريم.. يحيا العدل.

يذكر، أنه أصدرت المحكمة الجنائية اليوم الخميس الموافق 5 من شهر يناير، قرار بحبس الفنانة منة شلبي مع إيقاف التنفيذ وغرامة مالية قدرها 10 ألاف جنيه، وذلك بعد أن تم ضبطها وبحوزتها بعض المواد المخدرة أثناء قدومها من الخارج، وبعدها خرجت بكفالة مالية قدرها 50 ألف جنيه، وبعد إثبات التهمة عليها تم تحويلها للمحاكمة الجنائية بتهمة حيازة المخدرات بقصد التعاطي.

تابع موقع تحيا مصر علي