هشام عباس يتحدث عن كواليس مقابلته بـ عمار الشريعي ويكشف سر عن أغنية أنا حلمك

كشف الفنان هشام عباس عن علاقته بالموسيقار عمار الشريعي وعن اول لقاء جمع بينهما، وتحدث عن الراحل أحمد الحجار، وجمال بخيت.

تحيا مصر يرصد لكم تصريحات هشام عباس

وقال هشام خلال استضافته في برنامج انغام والتي تقدمه الفنانة انغام ويعرض عبر قناة دي أم سي: عمار الشريعي كلمني وقالي عايزك تغنيلي تتر واول أغنية كانت أميرة في عابدين وهو قالي عمل أغنية ليك وأغنية ليا  ومن بعدها اتصحابنا وكنت بروح اقعد معاه لمجرد اننا صحاب.

وكشف هشام: قابلت عمار اول مرة في حياتي  في الرادايو، وكنت عامل اول البوم حلال عليك وانا اعمل ايه وقالولي تعال الراديو وبعد ما وصلت قالولي عايزينك فقرة على الهواء على الراديو وكان عندي برد ولقيت واحده بتقولي انت طالع مع عمار الشريعي على الهواء والناس كانت بتكلم عمار تقوله كل الكلام ومفيش حد بيكلمني.

هشام عباس: عمار الشريعي طلب مني أغني لعبد الوهاب على الهواء

وتابع: عمار مكنش عاجبه اغنية حلال عليك وساعتها قالي غني حاجه لعبد الوهاب وحد اتكلم بعد ما غنيت عبد الوهاب قال انه غنى كويس وبشكره وبحييه ومقالش انه عنده برد واتحجج، وبعدها شافني كويس واحترمني وانا كنت بتكلم كويس وانا عارف.

وعن الانتقادات التي كانت تواجه جيل التسعينات بسبب أغانيهم المختلفة علقت أنغام وقالت: في ناس كانت بتنتقد بس الاغاني الجديدة وتزعق للشباب وبعدها هما قعدوا مبقوش يغنوا وانتوا اللي استمريتوا في الاغاني واثبتوا موهبتكوا.

هشام عباس: أغنية ضاعت خلاص كانت قصة حقيقة من حياتي

وكشف هشام عباس: أغنية ضاعت خلاص دي كانت من حياتي وانا كتبت الكلام ده وكنت كاتب جمل ومصطفى زكي كتبها معايا واديتها لـ زياد الطويل وعمل لحن واداها لاشرف محروس وطلعت اغنية تقيله في وقت مكنش في الاغاني دي ولما غنيتها ناس معينه من الناس اللي بيسمعوا حاجات معينه علقت معاهم واستغربوا انها فكرة.

وتحدث هشام عن أحمد الحجار وكمال بخيت وقال: أحمد الحجار لحن اغنية مها وهو غناها  ومها كانت واحدة صاحبتنا في الجامعة  وجمال حبها وكتب عنها وعلى غناها.

هشام عباس يكشف كواليس أغنية أنا حلمك

كما كشف هشام أن أغنية أنا حلمك كانت قصة حقيقة من حياته وقالت: أنا حلمك قصة حصلت ف حياتي ومكنتش متخيل انها تطلع أغنية وتتحب وانا يعتز بيها جدًا.