مشاكل عائلية.. حسن شاكوش يكشف تفاصيل خلافه مع عمر كمال وحمو بيكا

كشف مطرب المهرجانات الشعبية حسن شاكوش، حقيقة وجود خلاف بينه وبين زملائه في المجال عمر كمال وحمو بيكا، وذلك خلال تصريحات تليفزيونية.

تحيا مصر يرصد حقيقة وجود خلاف بين حسن شاكوش وعمر كمال وحمو بيكا. 

قال حسن شاكوش: مفيش مشاكل تجمعني مع حمو بيكا وعمر كمال ولو كان في حاجة كانت مشاكل عائلية، وطول الوقت بقول في أي لقاء عمر كمال وبيكا دول الفردتين بتوعي زي باك اليمين وباك الشمال.

وتابع: مقدرش استغنى عن عمر كمال وحمو بيكا لأن هناك عيش وملح وشغل كتير بينا فوق 35 أغنية مع بعض وأتمنى ليهم النجاح.

حسن شاكوش يطرح دي حلاوة

من جانبه، طرح مطرب المهرجانات حسن شاكوش أغنية جديدة بعنوان “دي حلاوة” بالتعاون مع بهاء من فرقة شارموفرز، عبر موقع الفيديوهات الشهير يوتيوب.

الأغنية من كلمات وألحان أحمد بهاء، وتوزيع موسيقى ساري هاني ومن إخراج هادي الباجوري، ومن إنتاج شركة "جاما ميوزيك" للمنتج محمد جابر.

وتقول كلمات الأغنية:

ايه ده صحيح مالك
مش عاجبني حالك
واخد بالي وساكت
طب ليه اسهر الليالي
ردي على سؤالي
ده انتي شاغله بالي

جيتي انتي سألتيني
لو بحبك في حياتي غيرك
بفكرك كل ما تنسي واقولك لا لا
ده انا حتى فاكر كلامي مش بنسى
دلعت عمري ما بقسى
هي الحلاوة كده
هي دي الحلاوة
ده انا حتى بعادي عنك كارثه
ومستحملش القمصه
هي الحلاوة كده
هي دي الحلاوة

دي حلاوة دي حلاوة
دي حلاوة كده بالهداوه
دي حلاوة دي حلاوة
دي حلاوة كده بالهداوه

شاكه فاللي ما بينا
باين من المعامله
وصوتك في المكالمه

فاكره الكلام بينا
انا فاكر كلمه كلمه
وضحتك ليلتها

اضحكي بقى يوه ايه
اضحكي بقى يوه ايه
عشان ورداة وبوكيه
وحاولت بمية افيه
اضحكي بقى اضحكي بقى

جيتي انتي سألتيني
لو بحبك في حياتي غيرك
بفكرك كل ما تنسي واقولك لا لا
ده انا حتى فاكر كلامي مش بنسى
دلعت عمري ما بقسى
هي الحلاوة كده
هي دي الحلاوة

ده انا حتى بعادي عنك كارثه
ومستحملش القمصه

هي الحلاوة كده
هي دي الحلاوة

دي حلاوة دي حلاوة
دي حلاوة كده بالهداوه
دي حلاوة دي حلاوة
دي حلاوة كده بالهداوه

وعرفت ان الحلاوة
مش دايما في الشقاوه
يا جمال حياتنا مع بعضنا
هي دي الحلاوة
ده انا حتى فاكر كلامي مش بنسى
دلعت عمري ما بقسى
هي الحلاوة كده
هي دي الحلاوة

دي حلاوة دي حلاوة
دي حلاوة كده بالهداوه
دي حلاوة دي حلاوة
دي حلاوة كده بالهداوه