صفية العمرى تتقدم ببلاغ رسمى ضد منتحل شخصيتها على فيسبوك

تقدمت الفنانة صفية العمرى ببلاغ رسمى ضد منتحل شخصيتها على موقع التواصل الاجتماعى فيسبوك.

تحيا مصر يرصد تقدم صفية العمري ببلاغ ضد منتحل شخصيتها. 

بيان صفية العمري 

وأصدرت صفية العمري، بيان صحفى، قالت فيه إنها اتخذت الإجراءات القانونية كافة ضد أصحاب هذه الحسابات المزيفة ومقاضاتهم، موضحة أنها لا تمتلك سوى حساب شخصي واحد فقط على موقع التواصل الاجتماعي "فيس بوك".

و أنها بدأت في توثيقه رسميا، مطالبة جمهورها بالحذر من الحسابات المزيفة التي تستغل أسماء المشاهير بصور غير مشروعة.

حلت الفنانة صفية العمري ضيفة على الإعلامية بوسي شلبي في إحدى البرامج التلفزيونية، وكشفت العديد من التفاصيل التي لم تفصح عنها من قبل، عبرت عن غضبها الشديد من هذا الشي.

أبرز تصريحات صفية العمري مع بوسي شلبي

-  ما أقدرش أغير حياتي المهنية دلوقتي دي شغلتي اللي بحبها واتعودت عليها

- أنا غضبانة لأن إحنا عملنا شغل حلو أوي وعملنا تاريخ

- أنا بتكرم على ليالي الحلمية وهوانم جاردن سيتي لغاية دلوقتي لأن العمل عايش ومستمر والناس بتشوفه

- كل قناة عايزة تفتح بتبدأ بالحلمية

- اتكلمت كتير في موضوع حقوق الفنان في عرض المسلسل على القنوات ودخلت القانون لكن محدش مهتم

- إحنا الفنانيين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم

- العالم كله بيدفع للفنان المنتجين مش هتدفع من جيوبها

-القنوات هي اللي مستفيدة والفنان مش مستفيد بحاجة

صفية العمري: السياحة اتعملت عشان المسلسلات
- هل ينفع إن الدولة هي اللي تعالج الفنان؟

- أنا كنت قاعدة مع  سيدات قالولي إحنا أول ما نزلنا مصر قولنا إحنا عايزين نروح جاردن سيتي علشان نشوف هوانم جاردن سيتي

- جاردن سيتي كانت من الأحياء الرائعة والمهمة جدًا في مصر

زي ما اتقال في تركيا السياحة اتعملت علشان المسلسلات

- لكن للأسف الشديد النهاردة المنتجين قاطعوا الفنانيين

- نازك السلحدار دي شخصيتي أنا

- أنا طول عمري كده من وأنا صغيرة ودي شخصيتي ونازك ماضفتش ليا حاجة أنا اللي ضفت ليها من روحي

-أنا شخصيتي وطريقتي كده معرفش أتغير ومعرفش أعمل حاجة مش بتاعتي،

- مبيليقش عليا إني أغير شعري وطريقة لبسي وليا ستايل معين وشكل مبعرفش أغيره

- معرفش أقدم برامج زي إعلاميين دلوقتي

صفية العمري: أنا شخصية خجولة جدًا
- إسعاد يونس لها شخصي لذيذة ولطيفة مينفعش حد يقلدها خالص

- بحب أوي المزيكا الكلاسيكية والأوبرا فكان ممكن أقدم برنامج عن الفن الراقي اللي يمشي مع شخصيتي

- أنا شخصية خجولة جدًا مع إني لما بقف قدام الكاميرا بشوط زي ما قال الفنان العظيم حسن الإمام

- قدام الكاميرا أنا ببقى واحدة تانية لأني بلبس الشخصية

- عملت مسلسل الأيام مع أحمد زكي في بداياتي حتى مفكرتش وقتها مين اللي هيلبسنا

- زي ما موجود النهاردة الفنان بيدخل معاه 7 وراه مبيجبش حتى المنديل من بيته

- مكناش بناخد فلوس خالص يعني مبالغ ضئيلة جدًا وكنا بنصرف على مظهرنا