عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

بخيل وريحته وحشة.. سيدة تصدم ياسمين عز بصفات زوجها بعد مسابقة الزوج المثالي

ياسمين عز _ أرشيفية
ياسمين عز _ أرشيفية

أطلقت الإعلامية ياسمين عز، مسابقة عن الزوج المثالي، حملت اسم مسابقة «الزوج المثالي الخيالي». 

تحيا مصر يرصد رد سيدة على مسابقة الزوج المثالي للإعلامية ياسمين عز. 

وشرحت ياسمين الفكرة مؤكدة أنها تعتمد على فكرة الطالب المثالي في المدارس، أو الموظف المثالي في الشركات الذي كان يتم اختياره في الماضي، مؤكدة أن الرجالة غلابة وبيضحك عليهم بكلمة.

ووجهت عز نصائحها للمرأة قائلة: الأسبوع يبدأ من يوم السبت وهنبدأ تطبيق فكرتنا من بكرة باستخدام أقلام الفلوماستر وكراسة رسم أطفالك في المنزل، هتعملي دوائر بعدد أيام الأسبوع وكل دائرة تكتبي فيها صفة عظيمة من صفات جوزك اللي متتعدش.

وتابعت: جاملي جوزك هو لما تجامليه هياكل من ورثك حته ده جوزك مش حد غريب، مثلا زوجي نضيف ودي ملهاش  أسباب ربنا خلق الراجل بيبرق وريحته قرنفل مسك وعنبر يعني جوزك زهرة اللافندر ماشية على الأرض.

لتصدمها زوجة بصفات زوجها منها أنه بخيل، عصبي، ريحته ليست جيدة، كسول وعلى حد قولها: بصاص وحلوف ومش بيحس، معلقة: دي صفات جوزي يا ياسمين خديه مش عايزاه.

وضعت الإعلامية ياسمين عز مجموعة قواعد للتعامل مع الزوج وتفخيمه، من بينهم عدم نداء زوجها بدون ألقاب، وذلك خلال برنامجها “كلام الناس”، المذاع على قناة mbc مصر.

ياسمين عز: متاكليش أخر حرف من اسم جوزك

قالت ياسمين عز: : ليه بتنادي على جوزك محمد بس المفروض تقوليله يا أستاذ محمد ومتاكليش أخر حاجة في اسم الراجل بعد اذنك، مينفعش تقوليله يا محماا قولي محمد.. زي مانتي مش بتحبيه ياكل اسمك ويقولك يا سمااا بدل سماح انتي كمان متعمليش معاه كدة.

وتابعت: يا أداة نداء تطلعي بيها وتعلي بإستاذ ومحمد بالصوت الشتوي وهتقولي ليه أقول يا مش أيها، عشان يا للقريب الحبيب أيها للبعيد الغريب.

وأضافت: أستاذ محمد مش بينزل السبت انتي كدة هتهزي الكيان وكيان أستاذ محمد محدش يجي جنبه، واحنا لازم نحافظ على تفخيم القدوة.

ياسمين عز: حسسي جوزك المهندس بالحنان وبروزي اسمه بين قوسين مفخمين

وتحدثت ياسمين عز على تعامل الزوجة مع زوجها المهندس، فقالت: لو جوزك مهندس لازم تحسسيه بالدفا والحنان لأن حياته كلها مربعات ودواير ومستطيلات، ومحتاج يرتاح، وبروزي اسمه بين قوسين مفخمين ومزركشين ومزينين، قولي له الباشمهندس وفخمي فيه قدام صحابك، الباشمهندس خارق يقدر يعملك أي حاجة.

وأردفت عن الزوج الدكتور: وياهناها يا سعدها الي تتجوز دكتور، والمفروض اللي تتجوز دكتور تحمد ربنا عليه طول العمر وتبقى ماشية بالسي في بتاع جوزك، الدكاترة دول هما ملائكة الرحمة

واختتمت ياسمين عز حديثها قائلة: حبي جوزك وراجلك ولازم يكون صوتك هادي وناعم وإفخري بيه وحسسيه دايما بمجهوده في شغله.

ياسمين عز: بتجيبي كريمات بمئات الجنيهات وبيطلعلك الحباية بردو أخوكي بيمسع وشه بالفوطة بيطل بدر منور

وأشادت ياسمين عز كعادتها بالرجل، فقالت: انتي بتجيبي بمئات الجنيهات كريمات لوشك وبردو بيطلعلك الحباية لكن أخوكي البدر المنوربيمسح بس وشه بالفوطة بيطلع يلمع، والبنات يفضلوا يقولوا شوفت أخوها بيلمع ازاي وبيشرفك قدام العمارة وقدام صحباتك البنات، اديله ضلفة من دولابك، مش معقول كم الهدوم اللي انتي مكربساها في الدولاب وبعد كدة تقولي معنديش هدوم يابابا وادفع يابابا.

تابع موقع تحيا مصر علي