بعد انتهائها من النساء الحقيقين.. ياسمين عز تهاجم شخصية سيران في مسلسل طائر الرفراق: مفترية

بطريقة ملفتة للنظر، خرجت الإعلامية ياسمين عز لـ تهاجم شخصية في مسلسل تركي يتابعه عدد كبير من النساء في مصر، مشيرة إلى أنها شخصية استفزازية ومزعجة، وكأن نساء العالم الحقيقي انتهوا لـ تبدأ في انتقادات شخصيات من الخيال.

تحيا مصر يرصد في ذلك التقرير تفاصيل مهاجمة ياسمين عز شخصية ليست على أرض الواقع

ياسمين عز عن شخصية فريد في مسلسل طائر الرفراف: كان راجل صريح واعترف لـ سيران إنه بيحب واحدة تانية

فقالت ياسمين عز خلال برنامجها “كلام الناس”، المذاع على قناة mbc مصر:في مسلسل تركي اسمه الطائر الرفراف، فيرو وسيرو فريد شاب وسيم بشعر سلوك دهب اسود والوش قمر بدر منور وحواجبه هلالين، اهله غصبوه انه يتجوز سيرو من البلد، فريد كان محترم معاها من البداية وقالها أنا مبحبكيش وبحب بلين كان راجل صريح .

وتابعت حديثها: خدها تعيش في قصر مش تحمد ربنا لا صوتها عالي ومنكدة عليه عيشته ومبرقاله وقال يعني مخوفها الكلمة بكلمة، احمدي ربنا واشكريه ان انتي اتجوزتي الجوازة دي، ابوكي كان مخبي منكم الجبنة والسمنة والشيكولاته في الدولاب ومطين عليكم عيشته، لو ربنا يكرمك بزوج زي فريد تتمردي عليه، اي ياسيران دانتي الفار بيدخل عندكم مبيطلعش متتمرديش عليه.

ياسمين عز: سيران مزعجة وبتهدد فريد طول الوقت انما بيلين كتلة شتوية استحوزت على فريد

وتطرقت بحديثها لـ سبب حب فريد بيلين عن سيران، فقالت: ليه فريد حب بلين ومحبش سيران، سيران صوتها عالي، ومزعجة ومبرقة طول الوقت وبتصوص وبتهدده، انما بليين صوت هادي ناعم عيون دبلانة ومسهتنة وبتقوله أنا معاك فين ما تروح مش عايزة أي حاجة غيرك، دي عشان كتلة شتوية استحوزت على فريد.

ووجهت ياسمين عز نصيحة لـ سيران، قالت فيها: سيران أرجوكي غيري بيجامتك واغسلي شعرك، واكلة شاربة نايمة بالبجامة والراجل ساكت مبيتكلمش، واغسلي شعرك عشان فريد مرة شامه وكان مش طايق نفسه، بتدخلي وتطلعي شعرك ما بيتغسلش حموم اي اللي من غير غسيل شعر، شعرك لازم ريحته مسك ومخمرية، خصوصا انك عندك خدم وحشم.

وأضافت: الحسنة الوحيدة اللي أما عملتيها اما طردوكي من بيت فريد رجعتيله تاني، في ناس كلمتني عندك وقالتلي معندكيش كرام، انا بدعمك وبقولك برافوا جوزك تحطيه فوق تاج فوق راسك.

تفاصيل مسلسل طائر الرفراف

جدير بالذكر، أنه تدور أحداث مسلسل طائر الرفراف حول فريد شاب عاد من أمريكا ليدخل عالم رجال الأعمال ويجبره جده على الجواز من فتاة حسنة السمعة، أما سيران فهي فتاة البلدة التي يجبرها والدها على كل شيء في الحياة، يتقدم فريد للزواج بشقيقتها لكنه يعرض الزواج عليها بدلا منها. وتبدأ المشاحنات والأحداث بعد زواج فريد وسيران.