عاجل
الجمعة 03 فبراير 2023 الموافق 12 رجب 1444
رئيس التحرير
عمرو الديب

الرقص مهنة مريحة جدًا ونصيحتي لشيرين متتكلمش في المايك.. أبرز تصريحات هندية التليفزيونية

الراقصة هندية _ أرشيفية
الراقصة هندية _ أرشيفية

فجرت الراقصة هندية عدد من التصريحات الجريئة خلال تصريحات تليفزيونية، موجهه رسالة إلى النجمة شيرين عبد الوهاب.

ويرصدها تحيا مصر خلال السطور التالية:

صليت الظهر والعصر قبل ما أخذ الكلب بتاعي للمستشفى

رسالتي لشيرين عبد الوهاب متتكلمش في المايك

صباح ما تشهرتش إلا لما جات مصر ووائل جسار وكل الممثلات العرب كذلك لأننا بانوراما كبيرة


عادل إمام طلبني للضرورة وقالي أنت متخنتيش ومحافظة على وزنك

صعب اشتغل في الفن بسبب الشللية

دموعي بتنزل لما أخلص رقص لأني نازلة بفلوس كثير، ومفيش منها منفعة.

الرقص مهنة مربحة جدًا ومصروفاتها تفوق أرباحها

أصالة نجوميتها كانت في مصر ومتنكريش فضل البلد عليكي

خايفة من حسن الخاتمة وحلمي الوحيد أن ربنا يرضى عنى

الجمهور قالوا لي ألفاظ ما سمعتهاش في حياتي لدرجة إني قلت كفاية خلاص أنا رميت الكلب فأخدوا الكلمة

كنت بشتري 7 فساتين كل شهر ثمن الواحد منهم 10 آلاف جنيه قبل 22 سنة

السويدي: عمره ما قالي اعتزلي بس كان بيقولها بطريقة غير مباشرة

تحدثت هندية عن علاقة أيمن السويدي بـ اعتزالها، فقالت خلال برنامج كلام الناس، المذاع على قناة mbc  مصر وتقدمه الإعلامية ياسمين عز: وأنا متجوزاه قعد شهر بشتغل، وهو عمره ما قالي منزلش الشغل لكن كان بيلمح لده، وفي مرة كلمني في أوتيل الشغل وقالي انزلي عايزك ضروري أبويا في المستشفى ومحتاجك وخدني ولف بيا في الشاعر وقالي أنا مزاجي متشتغليش النهاردة".

وتابعت: وقتها قولته أنا معايا رجالة مينفعش أصغرهم، واليوم كله اتحملت خسارة الطرابيزات، احترمت ذاتي ونفسي ورجالتي وقولت للمدير مش هشتغل تاني  كان لازم أحترم طلبه، وديما بقول الراجل راجل والست ست".

الراقصة هندية: أيمن السويدي قالي مش عايز ولاد من فنانة

وتطرقت الراقصة هندية بالحديث عن سبب عدم الخلفة، مشيرا إلى أن زوجها أيمن السويدي السبب، فقالت: “كان عنده هاجس انه هيموت صغير في السن، ووقتها كنت أنا حامل خدني من إيدي للدكتور، وخلاني أجهض الطفل ده، تقريبا الدكتور عملي حاجة غلط، فمبقتش أخلف”.

وتابعت: “كان بيقول مش عايز ولاد من فنانة ووقتها قولتله انا اللي مش عايزة، أنا سيبت الفن عشان ابقى أم وهو خد الحلم ده مني فسيبته بعد سنة من الإجهاض، كنت بحبه وبسمع كلامه في كل حاجة بس هو كان طايش وأنا كنت طايشة وأحيانا بنندم على قرارتنا دي”

الراقصة هندية وعلاقتها بضرتها

وأشارت الراقصة هندية أنها على علاقة طيبة بـ ضرتها، وكانت دائمه ترحب بها وتبادرها بالسلام في أي مكان يتقابلا فيه، موضحة: “مكنتش بغير لأن المهم إن أنا اللي معاه دلوقتي، وأنا كنت ممشياه زي الساعة، وهو كان بيثق فيا جدا وكان بيقولي هو رايح فين وجاي منين، وكمان كان بياخد رأي في كل حاجة بيعملها”.

تابع موقع تحيا مصر علي