عاجل
الإثنين 30 يناير 2023 الموافق 08 رجب 1444
رئيس التحرير
عمرو الديب

خاص| ندى عفيفي: ندمت إني اشتغلت مع لوسي وحصلنا ضرر نفسي بسببها

الفنانة ندى عفيفي
الفنانة ندى عفيفي

كشفت الفنانة الشابة ندى عفيفي والتي تشارك في العرض المسرحي الحفيد عن تعرضها للضرب من قبل لوسي، كما تحدثت عن موقف الفنان إيهاب فهمي من تجاوزات لوسي في العرض.

تحيا مصر يرصد لكم كواليس تعدي لوسي على إحدى ممثلات مسرحية الحفيد

وقالت ندى عفيفي في تصريح خاص لموقع تحيا مصر أنها لم يحدث معاها من قبل هذا التجاوز مثلما حدث لها من قبل الفنانة لوسي في العرض.

وقالت ندى:عمري  ما حصلي ده مع اي فنان إذا كان كبير أو صغير أنا دايما بحترم شغلي وبحترم الفنانين اللي شغالين معايا مهما كان سنهم ومهم كان  تاريخهم الفني وهما بيبادلوني الاحترام مش معقول هحترم حد وهو يهيني.

ندى عفيفي: لوسي كانت عنيفة مع الأطفال 

وتابعت: مشاكل الاستاذه لوسي كانت معانا كلنا مش أنا بس حتى الأطفال والمشكلة عندها هي ولو انا بس اللي عامله المشكلة هشك في نفسي ولو للحظه لكن التجاوزات تليها تجاوزات.

ندى عفيف: حصلنا ضرر نفسي بسبب لوسي

واستكملت: احنا كلنا بقى عندنا ضرر نفسي وكلنا عندنا نفس القضية وبنطالب انها تمشي واحنا نكمل العرض لاي فنانة تانيه حبًا في العرض.

واضافت: ندمت اني اشتغلت معاها لأني كنت بحبها وفي اعمال عملتها كلنا حبناها وندمي  الوحيد إنسانيًا ومش فنيًا لإني كان نفسي تفضل صورتها في خيالي زي ما كنت بحبها.

وتابعت: كل الكاست كان بيحبها وكانوا بيقوله هنشتغل مع استاذه لولسي لأننا شوفنا مسلسلها العظيم ارابيسك وان تتجسد قدامي شخصية كنت بحبها زمان ده كان هيبقى شيء عظيم لكن ندمنا اننا مبقتش بنحبها وده غصب عننا.

ندى عفيف: مش عارفة لوسي بتعمل معانا كده ليه

وبسؤالها ان السبب حول هذه الأفعال من لوسي قالت ندى: انا مش عارفه هي ليه كانت بتعمل معانا كده هل عشان هي فنانه كبيره او ضغوط مش لاقيه سبب واضح ونفسي يبقى عندها مبررات فعاليه وحقيقية وتتكلم وتقول انا عملت ده عشان  السبب كذا ونقدر نتناقش لكن ان الموضوع يوصل للسب والضرب مفيهاش مناقشه وده مستوى مرفوض من التعامل.
وكشفت: اللي هي عملته معايا كان خروج عن النص ومش موجود في المشهد  اي تعدي عليا.
وتابعت: في وقت الإهانة وقدام الجمهور وزمايلي مكنش في مجال للكلام الودي بينا وكان عليا اني ألجأ للاستاذ ايهاب فهمي وهو كلمني بعد ما العرض خلص ومستناش اني اشتكيله واحنا لينا كبير نقدر نلجاله ومينفعش نتكلم ودي  واقولها بتضربيني ليه؟ وخصوصا قدام الجمهور ومعتقدش آن ده كان هينفع.

تابع موقع تحيا مصر علي