أشرف زكي عن مسرحية الشيخ متولي الشعراوي: كنت أتمنى تتأجل لهذا السبب

علق النقيب أشرف زكي على الجدل المثار حول مسرحية الشيخ الشعراوي، وذلك خلال لقائه ببرنامج يحدث في مصر مع الإعلامي شريف عامر.

تحيا مصر يرصد لكم تصريحات أشرف زكي عن الشيخ الشعراوي 

وقال أشرف زكي: مفيش حد مينفعش يتعمل عنه مسرحية.. وأي حاجة في الدنيا لها ما لها وعليها ما عليها. 

وتابع: ولكن أنا كنت أتمنى أن القوس يتقفل بأن المشروع يتأجل لحين الدراسة.. ومفيش حد مؤله، كلنا بشر.

أشرف زكي وخروج الفنانين إلى السوشيال ميديا لطلب مساعدات مالية

وأعرب الدكتور أشرف زكي نقيب المهن التمثيلية في الحلقة ذاتها عن استيائه من ظاهرة خروج بعض الفنانين إلى منصات السوشيال ميديا لطلب مساعدات مالية واستعطاف الجمهور.

حيث قال أشرف زكي: "بزعل من اللي بيتكلم على السوشيال ميديا.. اللي عايزه النقابة موجودة واحنا مش بنرضى نعلق، وطبعا زعلت من وفاء مكي ومن كل واحد طلع عمل كدا لأن النقابة موجودة ومش بتتأخر.. والموضوع بدأ يبقى موضة وأنا ساكت مش بتكلم ولكن عندي اللي أقوله".

أشرف زكي عن عدم دعوة هند عاكف لـ مهرجان القاهرة السينمائي: حسين فهمي مكنش يقصد

وعن عدم دعوة هند عاكف، لمهرجان القاهرة السينمائي الدولي في دروته الأخيرة، قال أشرف زكي في حوار سابق له ببرنامج “حبر سري”: دا مهرجان دولي فيه ضيوف ولجان تحكيم وصحفيين وإعلاميين فمش هيقدر يعزم كل الناس، وأنا أما علمت مهرجان القاهرة والدراما مقدرتش أعزم كل الناس، واستاذ حسين فهمي مكنش قاصد.

وتابع: وهو كلمني وهند بدأت ترجع تاني وكانت عايزة تستعيد نشاطها، وهي كلمتني بس قولتلها مليش علاقة بمهرجان القاهرة السينمائي وهي راحت بنفسها وهي انسانة طيبة جدا، ومعزمتهاش في مهرجان القاهرة والدراما لأنها مكنتش ظهرت لسة، وقالولي اكتب اسماء قولتلها لا ده بيتكم واحنا عيلة، وقولت لأي فنان انتوا تنظموا واقعدوا زي مانتو عايزين تقعدوا عشان كدة المهرجان عمل رد فعل كويس، هما كانوا جايين بيتهم فالعشم كان كبير وعملنا فقرات هدت الدنيا كلها.