عاجل
الأربعاء 01 فبراير 2023 الموافق 10 رجب 1444
رئيس التحرير
عمرو الديب

ياسمين عز: الزوج الزملكاوي عمره ما يخون والأهلاوي على الحلوة والمرة معاكي

ياسمين عز
ياسمين عز

وجهت الإعلامية ياسمين عز لـ متابعي برنامجها “كلام الناس”، المذاع على قناة mbc مصر، مجموعة نصائحة للزوجات في كيفية التعامل مع الزوج قبل مباراة الأهلي والزمالك التي من المقرر أن تنطلق غدا.

تحيا مصر يرصد في ذلك التقرير نصائح ياسمين عز لـ السيدات والفرق بين الأهلاوي والزوملكاوي

ياسمين عز: جوزك قبل الماتش بتكون في راسه معارك انتي متعرفهاش

قالت ياسمين عز في بداية نصائحها: لو بعتي لجوزك رسالة على الواتس أب متزعليش منه ومتقفشيش عليه عشان بيكون في دنيا غير الدنيا وحال غير الحال، ولو معرفش ينام النهاردة متقلقيش هو دماغه بتودي وتجيب كهربا هيلعب أساسي ولا احتياطي طيب محمد شريف ناوي يرجع مخيف ولا مش في الفورمة وكم من الأسألة العميقة دي في راسة انتي متعرفيش عنها شيء.

ياسمين عز قبل مباراة الأهلى والزمالك: حاولي تتفادي جوزك وبلاش تصدريله مشاكلك

 وتابعت: حاولي تتفادي جوزك وبلاش تصدريله مشاكلك وتطلبي طلبات ملهاش لازمة اليومين دول، بلاش تفتكري انك معندكيش صلصة في التلاجة أو عين البوتجاز مش لازم تطلعي مشاكل للراجل اللي قاعد معاكي، ولو جوزك سرحان هيمان باصص للسقف او وشه في الأرض وبتكلميه وهو مش بيرد أو مش سامعك عديهاله هو كويس ومعندوش مشاكل هو بس عنده عرض طارئ اسمه القامة فوبيا غالبا بيفكر إن لو فريقه اتغلب هيهرب يروح فين من سخرية صحابه منه ع الفيسبوك او الشغل.

ياسمين عز: لو جوزك فريقه خسر متقربلهوش لمدة 3 أيام ولو كسب هيتحول لـ مصباح علاء الدين

واستكملت: لو فرقته اتغلبت متبقيش انت والزمن وصحابه عليه ومتقربيش منه لمدة 3 أيام لحد ما الحكم يطلق صافرته من المباراة عدي 72  قبل ما تفكري تفتحي معاه باب اي مناقشة، لكن لو فريقه كسب ياساعدك ياهناكي هيتحول مصباح علاء الدين فجأة اطلبي واتهني ياست الكل هتطلبي منه 300 جنيه يديكي 400.

ياسمين عزعن الزوج الزملكاوي: عمره ما بيخون وبيحب المتعة

وكشفت ياسمين عز عن مميزات الزوج الزملكاوي، فقالت: عمره ما بيخون عشان عنده وفاء وإخلاص مش هتلاقيه أبدا، راجل بيحب المتعة أقل حاجة بتبسطه، الجمليات والشكل الحلو بيفرقوا معاه جدا وبيعش التفاصيل مهما كانت صغيرة وبيحولها لتفاصيل كبيرة وحلوة وقادر يحسس اللي حواليه ان قطته جمل ودي متلاقيهاش في أي حد من مشجعي نادي تاني، لو غيرتي تسريحة في شعرك جوزك الزملكاوي هياخد باله منها، دايما بيشرعك بالرضا وبيقدر أي حد يعمله حاجة حلوة.

ياسمين عز عن الزوج الأهلاوي: عمره ما يتخلى عنك حتى لو منكدة عليه وعلى الحلوة والمرة معاكي

أما عن الرجل الأهلاوي فقالت ياسمين عز: أصيل وعمره ما يتخلى عنك في يوم مهما كنت مضيقاه ومنكدة عليه، واخد عهد على نفسه في الحلوة والمرة معاكي، مش بيرضى غير بالمركز الأول فلازم تكوني بريموا في التعامل معاه، مش بيفرق معاه بتطبخي ايه وشكل السفرة عامل ازاي المهم انه يكون شبعان على الأخر، لو غضبتي وسبتي البيت صعب ترجعيله مرة التانية عشان عنده قوانين صارمة مستحيل يتراجع عنها، مفيش موسم هيعدي عليكي معاه وانت زيرو خروجات، يعشق الاحتفال في كل مناسبة وذهنة حاضر وفرفوش، بيحتفل بمناسبات غريبة ممكن متكونيش واخدة باكل منها زي أول مرة عملتي فيها البطة بالبرتقان ويقولك البطة ممكن.

تابع موقع تحيا مصر علي