اتخطفت.. منة فضالي تستغيث بعد اختفاء مساعدتها

كشفت الفنانة المصرية منة فضالي عن اختفاء مساعدتها، الأمر الذي جعل أهلها يبحثون عنها.

تحيا مصر يرصد تفاصيل اختفاء مساعدة منة شلبي. 

وكتبت فضالي عبر حسابها الرسمي بموقع التواصل الاجتماعي فيسبوك:صباح الخير عليكم جميعا انا للاسف في موقف مش عارفه اتصرف في المساعده بتاعتي اختفت وهي جايلي علي التصوير.

وتابعت: من اول امبارح وكل ده اهلها بيدور عليها في المستشفيات والاقسام واخر حاجه كانت راكبه اوبر وكانت جايالي علي المدينه بعديها تليفونها اتقفل ومن الساعه ٦ المغرب واتفتحت دقيقه الساعه ١٢ بليل معرفناش نعمل حاجه واستنينا يعدي ٢٤ ساعه علشان نعمل محضر بعض المستشفيات هي مش موجوده فيها.

وأضافت: والواضح انها اتخطفت وحقيقي انا مش عارفه اعمل حاجه ودي اول مره معرفش اتصرف فا اللي يقدر يساعدني يبقي كتر خيرو هي ساكنه في الزاويه وللاسف معنديش تفاصيل لا رقم العربيه الاوبر لانها كانت مش ظاهره ولا اي حاجه
رجاء اللي يقدر يعمل حاجه يبقي كتر خيره.

منة فضالي برفقة محمود عبد المغني وبسمة داود 

ويذكر، أن شاركت منة فضالي متابعيها صورة جديدة لها برفقة الفنان محمود مغني، والفنانة بسمة داوود، وذلك خلال أحدث ظهور لها عبر انستجرام خلال الأيام القليلة الماضية.

وعلقت فضالي على الصورة: الناس الحلوة بقى حبيب القلب الجدع الشاطر أوي مغني، والبنت القمر اللي بموت فيها بسبوسة بحبكم أنا ها.

منة فضالي في مسلسل العمدة 

وكانت قد شوقت منة فضالي جمهورها ومتابعيها لـ شخصيتها في مسلسل "العمدة" الذي من المقرر عرضه على شاشات التلفزيون في الموسم الرمضاني المقبل.

حيث نشرت منة فضالي صورة لها بملابس الشخصية، وعلقت عليها قائلة: "يا ترى نرجس سرحانة في ايه.. استنونا في مسلسل العمدة مع النجم محمد رمضان، وإخراج الأستاذ محمد سامي".

منة فضالي تدعم منة شلبي
وقد حرصت فضالي على توجيه رسالة دعم للفنانة منة شلبي وذلك بعد إلقاء القبض عليها في مطار القاهرة وبحوزتها مواد مخدرة.

وكتبت منة عبر حسابها بموقع التواصل الاجتماعي فيسبوك: الشماتة والغلط والتشهير حرام والله العظيم.. الإنسان إما يكون في محنة مهما كانت بيحتاج الكلمة الحلوة أو اللي يقف جنبه واللي يتمنالوا ربنا يخفف من عليه.

وتابع: نفسي كل اللي كتب كلمة وحشة على منة شلبي يحط نفسه مكانها هل تتمنوا الفضيحة؟ الستر من عند ربنا احنا بشر وممكن نغلط عادي دي نجمة وبتشرف مصر بره بلدها.

وأضافت: عارفة إن ممكن أتهاجم وممكن حد يقولي تريند وزفت.. ميهمنيش في الآخر دي زميلة ونجمة وليها مكانتها ومحتاجة نقف جنبها مش ضدها احنا مش ضد القانون بس نفكر في الإنسانية، منة شلبي ربنا يفك كربك.

وقد تم الحكم على منة شلبي أمس بالسجن لمدة سنة مع إيقاف التنفيذ وذلك في أولى جلسات محاكمتها.