غادة عبد الرازق تشارك في مسلسل حدث بالفعل بحكاية تحت الحزام

تشارك الفنانة المصرية غادة عبد الرازق في مسلسل حدث بالفعل، بحكاية جديدة تحمل اسم تحت الحزام ومن المقرر عرضها خلال الفترة القادمة.

تحيا مصر يرصد مشاركة غادة عبد الرازق في مسلسل حدث بالفعل. 

رضوى الشربيني وغادة عبد الرازق

وكانت قد خرجت رضوى الشربيني لـ تدافع عن غادة عبد الرازق بعد سخرية الجمهور من طلاقها للمرة الـ 12، اذ قالت خلال برنامج “هي وبس”: إن شالله تتجوز وتتطلق عشرين مرة.. حلال ربنا ولا مش حلال ربنا.. هي حرة.. واخدينها لبانة ٤٨ ساعة ليه؟، عملت ايه غادة عبد الرازق لما اتجوزت واتطلقت.. عاملين فتة ليه.. جنازة وبنشبع فيها لطم ليه.. اتجوزت ٩ مرات هي حرة.. هو أنت بتمد إيدك تصرف عليها؟.

وتابعت: اختيارات غادة عبد الرازق كانت غلط لأن العمر بيفرق والست اللي بتتجوز وهي صغيرة غير لما بتتجوز وهي كبيرة... ولما بتتجوز وهي فقيرة غير لما تتجوز وهي غنية.. غادة عبد الرازق كانت بتختار غلط لأن كل مرحلة أكيد كان بيبقى عندها احتياج معين لشئ ما فبتشوفه في الشخص دا فبتاخده.. مش مهم الشخص دا خاين أو غير أمين عليها أو بينفسن من نجاحها.. ايه الغلط اللي غادة عبد الرازق عملته في إنها اتجوزت ٩ مرات واتطلقت.. هل ربنا كاتب على الست عدد معين من الزيجات وبعد كدا الموضوع بيقلب حرام ؟!.. لا.

تصريحات قوية لغادة عبد الرازق

من ناحية أخرى، كانت فجرت غادة عبد الرازق تصريحات قوية في إحدى البرامج التليفزيونية، عن شخصيتها واصفة نفسها بأنها من أكثر الشخصيات الخجولة وراء الكاميرا، فقالت: أنا مش بعرف أقف قدام الكاميرا غير وأنا بمثل ومش بحب الظهور كتير الناس بتفتكر إني مش خجولة، بس أنا خجولة جدًا وساعات لما ببقى ضيفة في البرامج ببقى حادة في كلامي وطريقتي وده بيضايقني  جدًا ومش بيعجبني وبفضل أني اظهر قدام الكاميرا في الشغل بس.