«جوزي بارد» عنود تطالب بالخلع: جوزي مش بيطلب مني العلاقة وحاسة أنه مش بيحبني

أنا ست حلوة  وكل الرجالة كانت بتتمناني لكن أتجوزت راجل معندوش احساس .. بتلك الكلمات روت زوجة لتحيا مصر من داخل محكمة الأسرة عن زوجها  ذو المشاعر الجافة والرغبة المنعدمة التي تشعرها بعدم محبته لها فتقرر هي بدورها بعد أن عاشرته 5 سنوات وأنجبت منه طفل أن تنفصل عنه برفع عليه دعوى خلع بالمحكمة .

أنا وجوزي ولاد عم وأهلنا وفقونا لبعض 

بدأت عنود حديثها لتحيا مصر :" أنا وجوزي من عيلة واحدة وهو يبقي أبن عمي ومتربيين مع بعض ولما أنا كبرت وبدأ يتقدملي عرسان عمي فتح الموضوع مع والدي أنهم طالبين أيدي للجواز وأنا بالتالي وافقت لما لقيته شخص مناسب وأن أهلي كلهم موافقين وخصوصاً أنه دكتور ومعاه شقته وعربيته لكن طبعه كان هادي وحسيت أن أهله هما اللي بيتكلموا في كل الأمور والأجراءات بس قولت يمكن عشان لسة أنا وهو مقربناش من بعض وتوقع أنه بعد الجواز هيبقي حاجة تانية وبالفعل خلال مدة بسيطة أتخطبنا وأتكتب كتابنا ".  

جوزي بارد وهيجيبلي شلل 

وتابعت عنود حديثها :" بعد الجواز أتصدمت من الحياة مع جوزي وأتصدمت أكتر أن الجواز طلع بالجفاف ده لما بدأت تعدي عليا سنة ورا التانية حملت فيهم مرة وجيبت ولد عنده دلوقتي 4 سنين وبالرغم من كدة حاسة أني عايشة مع راجل أنا وهو بنتعامل زي الأغراب مفيش بيننا لغة حوار ولا رومانسية وكلام حلو ولا حتي بتحصل بيننا علاقة بشكل مستمر بسبب أنه مبيطلبهاش ولا حتي بيلمح ليها ولازم عشان تحصل أكون أنا اللي طلبتها وبتحصل بشكل روتيني وتقليدي جدا خالي من المشاعر ".

أتجوزت راجل محبنيش وجيت المحكمة مكسورة 

وأختتمت الزوجة حديثها :" أنا شكلاً جميلة ولسة صغيرة في السن وبهتم بنفسي طول الوقت عشان أعجب جوزي لكن اتأكدت بعدم أهتمامه بيا وأنعدام رغبته الجنسية معايا أنه محبنيش والشعور ده كسرني وبقيت بسأل بنفسي " معقول أنا اللي كان ألف راجل بيتمناني أتجوز شخص يبقي مش شايفني حتي ولا محسسني أنه راضي بيا أو مالية عينه  ؟" وده خلاني اقرر أنهي العيشة معاه واروح اخلعه في المحكمة لأني زي اي ست محتاجة اللي يشبعلها رغبتها ويحسسها بأنوثتها لكن كل المشاعر دي أنا اتحرمت منها ".