بعد نجاح يا وعدي..مطرب الراب إيفل يطرح أغنية "استنينا" على اليوتيوب

طرح مطرب الراب اسلام مجدي والشهير بـ إيفل أغنية جديدة وتأتي باسم استنينا، وذلك بعد تحقيقه نجاحًا كبيرًا بأغنية يا وعدي والتي سبق وطرحها مؤخرًا.

تحيا مصر يرصد لكم أغنية إيفل الجديدة

تفاصيل أغنية استنينا

أغنية استنينا لـ إيفل من كلماته والحانه وتوزيع أحمد ناصر هي أغنية دراما يعيشها أغلب الناس وتتحدث من القلب عن حياتنا الإجتماعية .

كلمات الأغنية

واستنينا الصعب يمر مر العمر
والجلد مات في كف ايدينا والعرق بيشر
ملعنه  وبتمر خلت العناء للحر
ربطانا وبتشد إيديها علي الطارة وبتجر 
ملعبانا علي الدوم زنقانا وبتضم
سلبانا وبتقطع فينا في العلن بالبوق
مسماميرها اللي صدت دقتهالنا تحت الضفر
واللي معاه بيزق فاللي ممعهوش
--
روحنا متكتفا
همومنا متستفا
راسنا متشتتا
ومفيش عيشه اسوء من كدة
عملانا سكك جوا عتاله في ورش
عشان توصل لاي حاجة لازم تدمدمك
واللي عيشته وسط سنين
تاخده انت في ٣ دقايق 
بالنسبالك دي اغنية بالنسبالي دي حقائق
عشت فيها وبنقلهالك عشان متعانيش
3 دقائق غم يرحموك من بكا سنين
بطل تحنلهم بطل تحبلهم الخير
مادم هما كرهو صاحبي بطل تفتكرهم
طول ما هما سهل ينسوا هما سهل يمشوا
واللي قبلك لما اتشعبط فيهم اتقلب علي وشه
يا
ياما عانينا وشيلنا جوة عنينا
تعبنا شقينا واتعضت ايدينا
زرعنا العشرة وسقينا ورعينا
والشوك هو اللي اتبقي من ورد الجنينة
في البرد وبقينا جينا في الجرد اتنسينا
عيني علي اللي كانوا عيلا
صاحبي عيلتك جوة بيتك
سيبك م اللمه الكدابه  وصحصحلها وشوف بعينك
متيضعش عمرك متسخر لغيرك
--
واستنينا الصعب يمر مر العمر
والجلد مات في كف ايدينا والعرق بيشر
ملعنا وبتمر خلت العناء للحر
ربطانا وبتشد إيديها علي الطارة وبتجر
ملعبانا علي الدوم زنقانا وبتضم 
سلبانا وبتقطع فينا في العلن بالبوق
مسماميرها اللي صدت دقتهالنا تحت الضفر
واللي معاه بيزق فاللي ممعهوش
--
يا
صاحبي إحنا في قعر الخلاط والزمن خراط
جالنا طرش من دق الطبول علي الراس
سحر ميبطلوش عراف وجع ملوش اعراض
تشوفنا تقوول اغراب نضحك ونداري الخراب
وانا
جوة مني كراكيب يا يا
حرب دايرة وبراكين يا يا
جلدك جلدك كرابيج يا يا
سايل دمي براميل يا يا
اللي عدي انا راميه
م اللي عدي انا برئ
م الميعاد دة انا قتيل
اللي جاي ومش هسيب
حلايب يابا وشلاتين
وفي كل حته قناصين
باصين في العيشة منشنين
عينهم  علينا مخلين
إحنا مش سالمين من الناس
احنا مش سالمين من الناس 

آخر أعمال إيفل

وكانت قد حققت اغنية يا وعدي أكثر من 16 مليون مشاهدة وذلك عبر قناته بموقع الفيديوهات الشهير يوتيوب، كما انتشرت الأغنية بشدة علي أبليكشن الفيديوهات القصيرة تيك توك وحصدت الأغنية ما يقارب من ٣٠٠ مليون مشاهدة .