منى فاروق لكل من خذلها: شكرًا.. ووالله وجودكم ما كان فارق

وجهت الفنانة منى فاروق رسالة لكل من خذلها وتخلى عنها خلال أزماتها معبرة عن شكرها الشديد لهم، وذلك خلال لقائها بإستوديو تحيا مصر.

تحيا مصر يرصد لكم رسالة منى فاروق لكل من خذلها 

وقالت منى فاروق لـ تحيا مصر: ناس كتير اتخلت عني وشكرًا إنكم اتخليتوا عني لأن أنا كملت من غيركم وزي الفل والله وجودكم ما كان فارق.

وتابعت: الشخص اللي بيتخلي بيندم لما بتكمل وبتحاول وعايز تنجح، ولما بننجح أوي بيندم إنه تخلى، وساعتها مبتبقاش شايفه بقى.

منى فاروق: فكرت في الإنتحار

وأضافت منى فاروق: في فترة معينة اتعرضت لأزمة شديدة نفسيًا واجتماعيًا، وعشان حسيت إن أنا فاشلة ومش ناجحة وإني في حرب ولوحدي.. ربنا بيقويني بس غصبصا عني ضعفت مش عشان إيماني ضعيف، كنت بصلي وقريبة من ربنا، وكان حلمي أعمل عمرة وعملت عمرتين، بس إحساس الظلم بيوجع، وبتفكر في أفكار غريبة زي الإنتحار مثلًا يا رب مافكر فيه تاني.

منى فاروق وشائعات ارتباطها 

وقالت منى فاروق لـ تحيا مصر: عمر فوقي ابن الفنانة وفاء عامر هو اصغر مني بسنين كتير جدًا وشوفته صدفة في الساحل واتصورنا صورة بقت تريند.. وساعتها نزلت معاه فيديو على الأكونت بعد الإشاعة عشان أاكد إن مفيش حاجة.

وأما عن شائعات ارتباطها بـ إمام عاشور قالت منى فاروق لـ تحيا مصر مازحة: ارتبطت بسبعة السنة اللي فاتت، لا مرتبطش بإمام عاشور طب معزمونيش ليه.

وتابعت: مام عاشور لاعب محترم وأصغر مني على فكرة، وعارفاه من صحاب مشتركين، وشخصية جميلة وخطب دلوقتي وبقوله الف مبروك.

وأضافات منى فاروق كاشفة تفاصيل الموقف: كنا في كافية بتاع كريم عبد الخالق الممثل ومخطوبين في الأب الروحي وكريم صديق إمام عاشور وفي حفلة رمضانية في رمضان اللي فات واتصورنا صورة عادية، وكان في حد بيصور فيديو من بعيد حاجة مش لذيذة خالص وطلع تريند.

واستكملت منى فاروق: لكن كريم أخويا وإمام أخويا لما اتعرفت عليه عن طريق كريم والحضري ده أخويا الكبير، والناس دي كلها بتعاملني بحب واحترام، فـ بستغرب اني انزل حاجة والناس تقول مرتبطة، والناس شكت إني مرتبطة بإمام من خلال الصورة دي بس الحقيقة مفيش صورة تربطنا ببعض أنا وهو.