بدرية طلبة ترد على منتقدي صورتها مع اميتاب بتشان: بتصرف على طبيعتي ولسه جوايا طفلة

حرصت الفنانة بدرية طلبة الرد على منتقدي صورتها مع النجم العالمي اميتاب بتشان في حفل توزيع جوائز جوي أوردز بالرياض، وذلك خلال لقاء لها مع الإعلامية بوسي شلبي.

تحيا مصر يرصد تفاصيل رد بدرية طلبة على منتقدينها

رد بدرية طلبة

حيث قالت “طلبة”: “فيه ناس مينفعش نختاف عليهم، وكان فيه تعليقات عبيطة زي بتجري ورا وكدا، اه أجري وراه مجريش وراه ليه.. دا الصورة معاه تذكار العمر كله ليا ولأحفادي”.

وتابعت: “وبعدين أنا كنت في المهرجان زي العيل يوم العيد اللي شايف كل قرايبه وعمال يتصور معاهم.. أنا ست بتصرف بطبيعتي ومحدش هيعرف يغيرني، أنا وصلت 55 سنة مش هتغير، الطفلة اللي جوايا زي ما هي قاعدة بسنها ومش هتزيد عن 18 سنة”.

بدرية طلبة وجورج وسوف في “جوي أوردز”

ومن ناحية أخرى، كشفت الفنانة بدرية طلبة عن كواليس لقائها بسلطان الطرب جورج وسوف في حفل توزيع جوائز joy awards، ، وذلك بعدما تعرض لهجوم كبير خلال الساعات الأخيرة الماضية.

حيث نشرت بدرية صورة لها رفقة جورج وسوف عبر حسابها الشخصي على موقع التواصل الاجتماعي “فيسبوك”، وعلقت عليها قائلة: "نجم بحجم أستاذ چورچ لو كان في الحفلة كان أتعرف وأتشاف مع كلالموجودين مش أنا بس كان حيبقي حدث كبير مُعلن للكل مش حيداري.

وتابعت: الصورة دي بالصدفة في مكان غير مكان الحفلة اصلا وكرم اخلاق منه في ظروفه النفسيه دى أنه يوافق يتصور معايا ويراضيني.

تعرض حفيدة بدرية طلبة لأزمة صحية

وفي وقت سابق، أعنلنت الفنانة بدرية طلبة تعرض حفيدتها لوعكة صحية من خلال منشور عبر حسابها الشخصي على موقع تبادل الصور والفيديوهات “إنستجرام”.

ونشرت بدرية طلبة صورة لأحفادها، وعلقت: احساس صعب ربنا ما يوريه لحد امبارح حفيدتي الكبيرة تالين وقعت في المدرسة وراحو بيها على المستشفى، قعدت تحت الملاحظة وللاسف انا مش جنبهم أنا في شغلي بالرياض. 

وتابعت: قلبي وجعني فجأة عليهم من غير ما حد يقولي لاقيت نفسي بتصل واطمن وهما مخبيين عليا، ولما عرفت كنت بموت لأني بعيد عنهم.. لكن الحمد لله ربنا طمن قلبي وتالين بقت كويسة وقامت بخير وسلامة ربنا ما يكتب على ولادنا وأحفادنا حاجة وحشة ولا ننضر فيهم ابدًا ويطمنكم على حبايبكم الحمد لله.. اللهم لك الحمد والشكر.