ياسمين نيازي عن مواصفات فتى أحلامها: لازم يهت الراجل اللي فيا

تحدثت المطربة ياسمين نيازي عن مواصفات فتى أحلامها خلال لقائها ببرنامج كلام الناس مع الإعلامية ياسمين عز، وذلك عبر شاشة قناة mbc مصر. 

تحيا مصر يرصد لكم تصريحات ياسمين نيازي في كلام الناس 

ياسمين نيازي: لازم يهت الراجل اللي جوايا 

- يوم ما البس الدبلة مش عايزة اقلعها تاني

-وعادل الراجل يقولي وارشدني وحركني بس اهم حاجة تبقى سيطرت عليا وبتقول صح

-انا ست بس ظروف حياتي خلتني راجل من وانا صغيرة

-ويوم ما هيجي حد يقولي اعملي كذا ومتعمليش كذا يبقى صح

-ولازم يهتت الراجل اللي فيا

ياسمين نيازي وأغنية شكلك هتوحشني 

وعن مناسبة أغنية شكلك هتوحشني، قالت: مكنتش مقصودة بالنسبالي هي كانت افيه احنا لعبنا عليه وعكسنا الرؤية اللي هو انت شكلك هتوحشني.. ومكنتش تجربة بالنسبالي.

ياسمين نيازي تحتفل بـ بروحلك 

وكانت قد احتفلت ياسمين نيازي بتخطى أحدث أغانيها بعنوان “بروحلك” الـ 3 مليون مشاهدة، وذلك بعد طرحها اسبوعين فقط. 

ونشرت ياسمين نيازي جزء من الأغنية معدل بشارك 3 مليون مشاهدة، عبر حسابها الرسمي بموقع انستجرام واحتفلت بهذه المناسبة. 

وكتبت ياسمين نيازي: النجاح بعد التعب ليه طعم مختلف مليون شكرًا ومبسوطة بردود الأفعال على الأغنية جدًا. 

وأغنية بروحلك من إنتاج لايف ستايلز ستوديوز، اخراج: فادي حداد، كلمات: حسام سعيد، الحان: عمرو الشاذلي، توزيع: عمرو الخضري.

وتقول كلمات الأغنية:

لما تقسى عليّا أيامي بَروحلك
ليك طريقة حبيبي بتهوّن عليّا
لما تغدر بيّا أحلامي بَروحلك
تاني بِطمنّي وتقربها ليّا

ليّا مين غيرك أروحلوا وانت أقرب حَد ليّا
مين حيستحملني غيرك وبإيدي طبطب عليّا
ياما يا حبيبي تعبتك وانت ياما شلت عنّي
مهما قلت كلام في حقك الكلام حيكون شويّا

لما بسمع في الحنين غنوة بَروحلك
مش بفكر مش بقول ازاي وايمتى
لما تحصل حاجة مش حلوة بَروحلك
ولما بفرح برضو بفرح وياك انت

ياسمين نيازي وأغنية رافضة الفكرة 

وسبق وحققت أغنية رافضة الفكرة لياسمين نيازي نجاحًا كبيرًا بعد طرحها بموقع الفيديوهات الشهير يوتيوب،  وتعاونت فيها مع كل من الشاعر الغنائي أحمد عرفان، والملحن محمد أنيس، والموزع الموسيقي كريم عبد الوهاب، وتعاونت في الفيديو كليب مع مدير التصوير رامي عادي