ماجد الكدواني: بقالي 14 سنة متوقف عن التليفزيون ومسئولية الدخول للبيوت المصرية شئ مرعب

كشف الفنان ماجد الكدواني عن كواليس مشاركته في مسلسل موضوع عائلي، كما تحدث عن النجاح الكبير الذي حققه المسلسل في الجزء الثاني.

تحيا مصر يرصد لكم تصريحات ماجد الكدواني

وقال ماجد الكدواني خلال استضافته في برنامج يحدث في مصر والذي يقدمه الإعلامي شريف عامر ويعرض عبر قناة أم بي سي مصر: أنا بقالي 14 سنة متوقف عن التليفزيون ولما ندخل البيت المصري دي مسئوليه كبيرة وشئ مرعب.

وتابع الكدواني: السينما انت اللي بتجيلي والمنصة شبه كده لكن مسئولية الدخول في البيت دي مسئولية مرعبة.

ماجد الكدواني يعلن تقديم جزء ثالث من مسلسل موضوع عائلي

كما أعلن الفنان ماجد الكدواني وصناع العمل عن تقديم جزء ثالث من مسلسل موضوع عائلي وقال: اللي نجح المسلسل الخوف الكل اشتغل بمصداقية أعلى من الجزء الأول بس فكرة الأمانة من المخرج  واللعبة جماعية ومش فردية ومتفقين على مبدأ ربنا مش بيضيع تعب حد، وطاقم العمل أمناء  وحنا كنا عايزين نكون قد الأمانة، و لما بدأنا ننوي نعمل جزء تاني لو الناس طلبت جزء تالت هنعمل وإلحاح الجمهور بيحملنا مسئولية كبيرة، وأنا أكتر حد بيترعب من الأجزاء التانية وفكرة المصداقية هي السبب في النجاح. 

تصريحات المخرج أحمد الجندي

كما كشف المخرج أحمد الجندي عن كواليس الجزء الثاني من مسلسل موضوع عائلي وقال: زمان كنا بنفكر فيه كـ فيلم وبنفكر فيه وبدأنا نمشي فيه كـ قصة ولما طلعت الفكرة قولنا هنشوف هتمشي بشكل مرضي وكل واحد من الكتاب طلع فكرة في العمل ومشيت ورد الفعل كان كويس، وكان هدفنا من أول المشروع نعمل حاجه عائلية وشوفنا الحاجات دي في بيوتنا ومبقتش موجودة وكان الهدف ننقل الصورة دي للناس تاني واللي شافها يحبها واللي مشفهاش يتمنى تبقى موجودة، وطول الوقت عايزين نقرب للشكل اللي عايزينه وشكل عادي وشبه بيوتنا.

مسلسل موضوع عائلي

يذكر أن مسلسل موضوع عائلي هو إحدى اعمال منصة شاهد الرقمية، وحقق نجاحًا كبيرًا بعد طرحه على المنصة، وهو يضم عدد كبير من نجوم الفن ومنهم: محمد رضوان، نور، طه دسوقي، رنا رئيس، ياسمين وافي، ماجد الكدواني، ومن إخراج احمد الجندي.