عمرو أديب للزمالك: إزاي مش معاكم 20 مليون جنيه فلوس إمام عاشور راحت فين

عقب الإعلامي عمرو أديب، على الجدل المثار بشأن أزمة قيد لاعبي نادي الزمالك الجدد، قائلا :"محدش بيرد على الموضوع  وأتحدى أن حد يكون عنده إجابة رغم أنه سؤال مش صعب".

تحيا مصر

وأضاف أديب، خلال برنامج "الحكاية" المذاع عبر فضائية "إم بي سي مصر"، مساء الجمعة، متسائلا :"عايزين نعرف اللاعبية دي هتلعب ولا لاء، أيه المنظومة الغربية دي، حد يكلمنا، ووزارة الرياضة بتقول ملهاش دعوة، طب نكلم الفيفا".

أديب:عايزين نعرف اللاعبية دي هتلعب ولا لاء

وتابع:"عايزين نعرف مصير لاعبي الزمالك الثلاثة، معقبا :"هو الزمالك ليه مش معاه 20 مليون جنيه، فلوس إمام عاشور راحت فين".

وواصل: "عاوزين اتحاد الكرة يكون واضح في أزمة القيد ويقول هل اللاعيبة اتقيدت ولا إيه، معقبا:"إيه المنظومة اللي إحنا فيها دي يا ربي،  حدوتة غريبة ومحاضر وناس بتجري وراء بعضها، ومفيش حد بيكلمنا ، نكلم الاتحاد يقولوا مش بتكلم، نروح لوزارة الشباب والرياضة يقولوا الموضوع يخص اتحاد الكرة".

وثمن بأداء اللاعب حسين الشحات في كأس العالم للأندية، قائلا: "بتبسط بالناس اللي بترجع تاني، والأهلي بمن حضر". 

وفي سياق أخر، سخر الإعلامي عمرو أديب، من المنشور المتداول بشأن تعاقد هيئة قناة السويس مع إحدى الشركات لإدارة خدماتها، قائلا:" عام 2023 سيشهد حدوث أشياء غريبة".

أديب: قناة السويس مستهدفة 

وتابع أديب، خلال حلقة اليوم من برنامجه "الحكاية" المذاع عبر قناة "إم بي سي مصر"،: "في العام الحالي هنشوف شخصيات ماتت راجعة تاني، وحكايات قديمة هيتم فتحها ، معقبا :"شغل معمول على مياه بيضاء".

وأكمل:" تداول شائعة استحواذ شركة ما بنسبة 99% على قناة السويس، و هناك من يستغلون الأزمة الاقتصادية لترويج الشائعات، معقبا: "أهم حاجة السنة دي هي الثقة".

وواصل:" قناة السويس مستهدفة لأنها دُرة التاج لأنها تأسست بتضحيات المصريين وتمت توسعتها بأموال المصريين و من روّج الشائعات شخصيات ظهرت على الساحة بشكل جديد، كبديل عن شخصيات أخرى اعتادت على لعب هذا الدور".