خالد الفايد نجم ذا فويس: التوبة مش بمزاجي.. وبتضايق من اللي بيقولي أعمل فلوس الأول

أعرب خالد الفايد نجم ذا فويس المعتزل عن استيائه من طلب الجمهور له بالعودة إلى الغناء مرة أخرى، وذلك عبر حسابه الرسمي بموقع فيسبوك الشهير.

تحيا مصر يرصد لكم أخر منشورات خالد الفايد 

خالد الفايد: التوبة مش بمزاجك ولا بمزاجي

وكتب خالد الفايد عبر فيسبوك: بتفاجأ من عدد من الناس داخلة تكلمني تقولي يابني حقق أهدافك واعمل فلوس وبعدها توب بس وأنت معاك فلوس.

وتابع: ده هو التلاعب بالتوبة والله، لأن التوبة مش بمزاجك ولا بمزاجي دي هداية وطريق اختاره ربنا لينا، بتضايق جدا من الناس دي.

آخر أعمال خالد فايد الغنائية

وطرح المنتج هاني محروس، مؤخرًا للمطرب خالد الفايد نجم the voice kids أولى أغنياته التي تحمل اسم أنا حد جديد، عبر القنوات الفضائية وموقع «يوتيوب»، وأشهر منصات الأغاني، وتصدّرت تريند منصّات التواصل الاجتماعي «فيس بوك» و«تيك توك» و«إنستجرام».

وتقول كلمات الأغنية

كارت ومحروق
خوفك واللهفة اللي في عينك
ابعد بالذوق
ضاع كل اللي مابيني وبينك
عذرك مرفوض مش هبقي عليك

مين ده المجنون
اللي يصدق كدبك تاني
ومكان ماتكون
عمره ما هيكون هو مكاني
قدام الناس مش هغلط فيك

من يوم ماعرفتك وأنا بخسر ومفيش انجاز
من الليلة هفكر من الأول من غير احساس
كل اللي نصحني أني اكمل أنا بدعي عليه
أنا بسأل نفسي ازاي بقبل وضعي اللي أنا فيه
واخيرا فوقت وفات وقت أني اقولك ليه

أنا حد جديد
يعني أنت بقيت فعلا ماضي
خد وقت وعيد
حساباتك وأنت اكيد عادي
هتكون مرتاح يمكن خير ليك
ما أنا كنت زمان
بسكت وفي حبك بتنازل
مين الغلطان
وكفاية أنا قلبي كتير شايل
واهو كل ده راح هقدر اعديه

من يوم ماعرفتك وأنا بخسر ومفيش انجاز
من الليلة هفكر من الأول من غير احساس

خالد الفايد يشارك أحمد سعد غناء عليكي عيون

وكان شارك المطرب الشاب خالد الفايد، نجم «فويس كيدز»، مقطع فيديو مع الفنان أحمد سعد، داخل أحد الاستديوهات، يغنّيان أغنية «عليكي عيون»، والتي طرحها أحمد سعد، مؤخّرًا.