أشهرهم رهان قديم.. أحمد كامل يتصدر تريند يوتيوب بأغاني ألبومه الجديد

تصدر أحمد كامل تريند موقع الفيديوهات يوتيوب بعد طرح ألبومه الجديد، وكان أبرزهم “رهان جديد” التي حققت نجاحًا واسعًا.

تحيا مصر يرصد لكم تفاصيل أغنية رهان قديم 

أغنية رهان قديم لـ أحمد كامل 

حققت الأغنية بعد 4 أيام من طرحها حوالي 500 الف مشاهدة، كما استحوذت على تريند رقم 3 على الأغاني الأكثر استماعًا.

زجاءت التعليقات على الأغنية: أجمد اغنيه في الألبوم ومن اجمد الاغاني اللي ممكن تسمعها الإنسان مش عارف نفسه مبسوط ولا مكسور بس شابوه، ايه العظمه دي بجد افضل اغنيه ف الألبوم لحد دلوقتي، وغيرها من التعليقات.

تفاصيل أغنية رهان قديم 

وتقول كلمات أغنية رهان قديم:

مات الأغنية :

عايش بتوه .. تايه بعيش 
مخلوقه ليه الذكريات مابتتنسيش 
عمال أسكت قلبي وأكتم صوته فيه 
والله يجازيها عينيا دي إللي مابتداريش 
بكسب حاجات وأخسر أهم 
يطلعلي جرح جديد عشان في جرح لم 
أنا حتى روحي خسرتها في رهان قديم 
عايش عشان قلبي يا دوب بيضُخ دم 
بنادي عليا طول الليل .. وطول الليل محدش رد
ببُص على إللي فات أبكي .. وأبص على إللي جاي أتخض
كل اللي أنا حبيته وإتعلقت بيه 
بلاقيني ليه مكتوب عليا إني أخسره 
لا في نومي شايف حلم أداري جروحي فيه
ولا لاقي راحه في ليلي علشان أسهره 
كان نفسي يطلعلي جناحات وأهرب بعيد 
لمكان مفيش جواه وجع ولا فيه فراق 
لكن بخاف لو أطير أحس بخوف جديد
وألقى البراح إللي في سمايا عليا ضاق

Spotify تحتفل بألبوم أحمد كامل 

احتفلت Spotify، منصة الموسيقى الأشهر في العالم، بصدور ألبوم "بعد منتصف الليل" للنجم أحمد كامل، وذلك بعرض صورته على أكبر شاشة في العالم  في ميدان "تايمز سكوير" الشهير بنيويورك وهو من أشهر الأماكن العالمية.

وانتشرت صور الفنان أحمد كامل في ألبومه الجديد بعد منتصف الليل في ميدان تايمز سكوير وذلك في نيويورك في الولايات المتحدة الأمريكية.

ألبوم "بعد منتصف الليل" يضم خمس أغنيات متنوعة ومختلفة، من إنتاج شركة "جاما ميوزيك" للمنتج محمد جابر والمنتج المنفذ مصطفى جابر، ويضم أغنيات "يابا"، كلمات مصطفى ناصر وأحمد كامل وألحان أحمد كامل وتوزيع موسيقي إسلام الأزرق، وأغنية "بعد الكلام" كلمات وألحان وتوزيع موسيقي خالد عصام، وأغنية "شيء غيرك" كلمات وألحان أحمد كامل وخالد عصام وتوزيع موسيقي إسلام الأزرق.