هند عاكف لـ تحيا مصر: أنا معرفش يعني ايه ندم وبحب اعمل تريندات محترمة

تحدثت الفنانة هند عاكف عن الجدل الذي أثير حول فستانها في مهرجان القاهرة السينمائي الدولي، كما كشفت عن رأيها في تريندات السوشيال ميديا.

تحيا مصر يرصد لكم تصريحات هند عاكف

وقالت هند عاكف في تصريحات خاصة لـ موقع تحيا مصر: مندمتش خالص على فستان المهرجان العكس أنا سعيدة جدًا، ومفيش حاجه اسمها ندم هند عاكف مبتعرفش الندم، والندم ده بيأخر وده شئ وحش جدًا وطالما أنا عملت حاجة ومقتنع بيها اوعى تندم عليها أبدًا.

هند عاكف: أنا بحب اكرم زمايلي

وتابعت: أنا بكرم زمايلي والنجوم الي اتعلمنا منهم لكن بطريقتي الخاصة، زي النجم محمد صلاح لما بيحطوا صورته على التيشيرتات دول بيبقوا عايزين يعملوا تريند؟ أو حاجة وحشه لمحمد صلاح أكيد لا هما بيفتخروا بيه.

هند عاكف: أنا بحب اعمل تريندات محترمة

وأضافت هند عاكف: أنا بعمل تريندات محترمة أنا مش لازم ، وانا مش بحب اعمل تريندات مش محترمة ولو في تريند فعال وكويس ومحترم إيه المشكلة.

واستكملت هند عاكف حديثها قائلة: أنا افتخر بالنجوم وزملائلي الفنانين والأساتذة الكبار وبحب اكرمهم لأنهم يستحقوا وأنا اتعلمت منهم.

تصريحات هند عاكف

كما تحدثت هند عاكف عن تكريمها في مهرجان الأفضل بين الأفضل، وقاال: أنا انهاردة سعيدة بتكريمي في مهرجان الأفضل بين الأفضل وبشكر رئيس المهرجان وكل الناس اللي ساعدوا في  إنشاء هذا الحدث وجمهوري اللي صوتولي عشان اتكرم عن مجمل أعمال.

هند عاكف: رشحت نفسي للنقابة عشان أخدم زمايلي

وكشفت الفنانة هند عاكف عن سبب ترشيحها لنقابة المهن التمثيلية وقالت: حبيت ارشح نفسي لمجلس النقابة عشان اخدم زمايلي والنقابة طبعا دي عمل عام وانا قعدت 6 سنين اخدم في المجتمع المدني والعمل العام، وأنا كنت مركزة تركيز كلي في شغلي بعد رجوعي الفترة اللي فاتت لكن بعض الزملاء نصحوني أني ارشح نفسي وأتمنى ربنا يوفقني ويقدرنا كلنا سواء أنا ربنا وفقني ونجحت أو لا.

أزمة هند عاكف في مهرجان القاهرة

وكانت قد أثارت الفنانة هند عاكف جدلًا واسعًا في حفل افتتاح مهرجان القاهرة السينمائي، وذلك بسبب أطلالتها التي اعتبرها البعض مثيرة للجدل وتسعى من خلالها للتريند.