مؤلف بالطو: المسلسل من يومياتي وكل الأحداث حقيقية

كشف المؤلف الشاب أحمد عاطف عن تفاصيل فكرة مسلسل بالطو، والذي يعرض خلال الفترة الحالية، وذلك عبر منصة شاهد الرقمية.

تحيا مصر يرصد لكم تصريحات أحمد عاطف

وال أحمد عاطف خلال لقائه في برنامج معكم التي تقدمه الإعلامية منى الشاذلي، ويعرض عبر قناة سي بي سي: دي يومياتي مش بالتفصيل، الكتاب مش زي المسلسل بالتفصيل، ودي حكايات حقيقية مع التغيرات، مينفعش أقول نفس الأسامي والأماكن، وفيه حاجات اتغيرت، وكل ما حصل كان واقعي، أنا اتخرجت وكنت مدير الوحدة، ومكنتش فاهم حاجة، كنت بمتحن اليوم اللي قبليها، تاني يوم كنت مدير الوحدة.

مؤلف مسلسل بالطو: كل حدث في المسلسل ليه جزء واقعي

وتابع أحمد عاطف: مدير الوحدة الحقيقي عمل نفس الفكرة قالي استلم ومماتش زي ما كان في المسلسل، هو أول ما استلمت ونقل وحدة تانية، واستلمت أنا مدير الوحدة، وكل حدث في المسلسل ليه جزء واقعي.

تصريحات عصام عمر

وفي نفس اللقاء، كشف الفنان الشاب عصام عمر عن رفضه دور البطولة في مسلسل بالطو وقال: المخرج عمر المهندس تمسّك بيا ، ورفض إسناد دور البطولة لأي ممثل آخر، وأنا في البداية مكنتش حابب إن أنا أعمل المسلسل، مكنتش حابب ابقي بطل ولا اعمل ده دلوقت خالص، مكنتش مقتنع وحاسس إن ممكن نجيب ممثل تاني أفضل ومشهور أكتر، فهينفعهم.

واستكمل:عمر صاحبي من زمان وأخويا فمكنتش عاوز في أول تجربة ليه ألبسه في حيطة.. كنت عاوز ممثل جامد مشهور يبقى مكاني بحيث عمر تجربته تنجح.. لكن عمر قالي مش هعمله غير بيك.. وقد كان، والموضوع مش إني أكون بطل وخلاص.. الموضوع هل هقدر اقدم حاجة تستاهل ولا هتقدم لهم كبطل وهتبقى الناس بتضيع وقتها علي حاجة مش محترماها.. كان نفسي ابقي بعمل حاجة حلوة بس.

مسلسل بالطو

 مسلسل بالطو يضم عدد من نجوم الفن العمل ومنهم: محمد محمود، عصام عمر، عارفة عبد الرسول، محمود حافظ، مريم الجندي، والمسلسل من تأليف أحمد عاطف فياض، ومأخوذ عن رواية بالطو وفانلة وتاب، وذلك تحت قيادة المخرج عمر المهندس، وتدور أحداث مسلسل بالطو حول شاب حديث التخرج في كلية الطب، يتم تكليفه في قرية نائية عن مسكنه، ويصبح مديرًا للوحدة الصحية التي ذهب إليها بتكليف فور وفاة مدير الوحدة.