كريم العدل لـ منتقدي الأعمال الفنية: كفايا نظريات المؤامرة بتحملوا الفن فوق طاقته

خرج المخرج كريم العدل لـ يكشف تفاصيل جديدة عن مسلسل تحت الوصاية، الذي تخوض بطولته الفنانة منى زكي ومن المقرر عرضه ضمن مسلسلات رمضان 2023.

تحيا مصر يرصد في ذلك التقرير تصريحات كريم العدل عن منى زكي وتحت الوصاية 

كريم العدل: الاختلاف جمال شخص شء نسبي ومش كل المحجبات قمرات

وكتب كريم العدل عبر حسابه الرسمي بموقع التواصل الاجتماعي “فيسبوك”، متحدثا عن شخصية منى زكي في تحت الوصاية: "اولا الجمال ده شيء نسبي.. لو انتي شايفة ان منى زكي كده وحشة، ف دي رؤيتك انتي.. انا ممكن اشوفها حلوة عادي.. هى يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش و اصلع، كانوا بيعملوا كده علشان عايزين يقولوا ان فيه فئة معينة شكلها وحش؟! مش منطق ابداً والله".

وتابع: “ثانيا انا حقيقي مش فاهم ايه علاقة التعليم بالموضوع عامة! ثالثا، هل ده معناه ان كل المحجبات قمرات و مافيهومش ولا واحدة وحشة؟ مش منطقي.. و تاني نرجع نقول ده شيء نسبي يختلف من شخص للتاني!”.

كريم العدل: منى زكي بتجسد شخصية حقيقية.. كفايا مؤامرة

واختتم كريم العدل حديثه، فقال: رابعا بقى، منى زكي مسلسلها بنسبة كبيرة عن شخصية حقيقية، و بيحاولوا يقربوا بالشكل.. اصلا بقى، و بجد الناس بقت بتحمل الفن و الدراما فوق طاقته.. و بياخدوا كل حاجة بشكل شخصي جدا.. و طول الوقت عندهم نظرية المؤامرة، و كل واحد ولا واحدة يطلع يقول لك الكلمة اللذيذة بتاعة "السم في العسل" استهدوا بالله كده يا جماعة بجد!.

مسلسل تحت الوصاية

دير بالذكر، أن مسلسل تحت الوصاية رمضان 2023 يناقش قضية هامة من قضايا المرأة من خلال شخصية منى زكي التي يتوفى زوجها فتجبر على مراعاة أبنائها بمفردها لتعمل في صيد الاسماك وهي مهنة معروفة للرجال، ومن هنا تبدأ صراعاتها مع المجتمع وعاداته وتقاليده الغريبة.

ويخوض بطولة مسلسل تحت الوصاية كل من النجوم منى زكي، دياب، نسرين أمين، رشدي الشامي، مها نصار، خالد كمال، والعمل من إخراج محمد شاكير خضير وتأليف خالد دياب وشيرين دياب.