سمية الخشاب: صعب في الأيام السودا دي تلاقي راجل بجد وحياتي أحلى من غير زواج

كشفت الفنانة سمية الخشاب عن غمكانية زواجها مرة أخرىن كما كشفت عن مواصفات الرجل التي تريد الزواج منه، وكشفت عن رأيها في العصمة.

تحيا مصر يرصد لكم تصريحات سمية الخشاب

وقالت سمية الخشاب، في تصريحات تليفزيونية: أنا كويسة من غير زواج ولكن لو ربنا عايز كدا مش هعترض، ومش هتفرق اتجوزت كام مرة كلها أرقام.

وتابعت سمية: أنا قلبي مش بيدق بسهولة إلا لو لقيت شخص شبهي وفيه بيننا كيمياء، ولكن الحياة أحلى من غير زواج ومفيش حد ينكد عليا.

سمية الخشاب: نفسي في راجل أحس معاه بالأمان

وتابعت سمية الخشاب: أنا نفسي في راجل حقيقي أحس معاه بالأمان؛ لأن صعب في الأيام السودا دي نلاقي راجل بجد مش مجرد شكله راجل.

واستكملت سمية: أنا كل اللي اتجوزتهم رجالة محترمين وربنا يوفقهم في حياتهم، ومش بحب فكرة إن الست تكون العصمة في إيدها ومعتقدش إني هعمل كدا.

سمية الخشاب تتصدر التريند

وكانت قد تصدرت الفنانة سمية الخشاب التريند  في الساعات الأخيرة وذلك عبر موقع التدوينات القصيرة"تويتر" وذلك بسبب واصلة رقص في أحد البرامج التليفزيونية، على أنغام أغنية “اليوم الحلو” لـ طليقها أحمد سعد.

ونشرت سمية الخشاب مقطع فيديو ظهرت فيه وهى ترتدي بدل زرقاء وترقص على دقات “الطبلة” مع مذيع البرنامج على أغنية أحمد سعد “إيه اليوم الحلو دة” وعلقت على الفيديو"موف اون" مما أثار اندهاش الجمهور.

سمية الخشاب تدعم متابعيها

وسبق وحرصت النجمة المصرية سمية الخشاب على دعم متابعيها عبر حسابها الرسمي بموقع التدوينات القصيرة تويتر، غردت سمية الخشاب قائلة: ده انا عامله تويتر عشانكم ومش متابعه حد عشان مش عايزه يوصلني كلام غير منكم، مش عايزه طاقه سلبيه يلا قوموا ارقصوا عشان كل واحد فيه اللي مكفيه والازمات دي علي الكل والله.

آخر أعمال سمية الخشاب

يذكر أن سمية الخشاب تنتظر عرض فيلمها الجديد التاروت، والذي يضم عدد كبير من نجوم الفن ومنهم: رانيا يوسف، محمد عز، ناهد السباعي، أحمد التهامي، ومحمد خميس، ومحمد الشقنقيري، ويوسف منصور طفل الغزالة الرايقة، وكنزي رماح وسعيد يحيي، وتدور أحداث الفيلم في اطار تشويقى مثير ومن إخراج ابرام نشأت وتأليف معتز المفتي.