عمرو أديب: مفيش حد في البلد يقدر يرفد موظف حكومي .. فيديو

أشاد الإعلامي عمرو أديب، بزيارة وزير الصحة المفاجئة لمستشفى السلام ومركز أهالينا، واكتشافه عدد من المخالفات، قائلا: " أشكر وزارة الصحة على المواجهة والمصارحة والمكاشفة".

تحيا مصر

وأضاف أديب، خلال برنامج "الحكاية" المذاع عبر فضائية "إم بي سي مصر"، مساء الأحد، قائلا: "لحد دلوقتي بشوفهم بيفطروا في المكاتب، والمصريين عندهم جمل خاصة بيهم ومنها أصله في الحمام، أو عنده مشوار، أو مأمورية، أو السيستم واقع".

أديب: إحنا عندنا الوزير بيمشي والموظف ميمشيش

وتابع، : "إحنا عندنا الوزير بيمشي والموظف ميمشيش، وتلاقي مديرة المركز مش موجودة عشان عندها ظروف، معقبا:" دايما لازم يكون لدى المدير رفض موظف مقصر".

وجه الإعلامي عمرو أديب، الشكر لوزارة الصحة على البيان الصريح الواضح عن الجولة المفاجئة والمخالفات التي وجدوها في أعقاب جولة الوزير خالد عبد الغفار التفقدية بمركز صحة أهالينا بمدينة السلام، ومستشفى السلام التخصصي التابع لأمانة المراكز الطبية المتخصصة.

وواصل : "طبعا إحنا فاهمين إن عندنا تحديات ومشاكل ونقص في الأطباء والإمكانيات، معقبا: "مفيش حد في البلد يقدر يرفد موظف حكومي، والموظف إذا تمت معاقبته يتحدث البعض عن دوافع إنسانية، مختتما :" الموظفين يا ريت تتقوا الله، روحوا الشغل أرجوكم".

وأردف: " أنا لغاية النهاردة بشوف الموظفين بيروحوا يفطروا على مكاتبهم، فطار يفضل ماسك في جدران المكان لساعات طويلة، وتسأل عن أي موظف يقولك عنده ظروف او في الحمام".

وفي سياق أخر علق الإعلامي عمرو أديب، على تألق النجم محمد صلاح مع الريدز  بعد سباعية ليفربول التاريخية في شباك مانشستر يونايتد، قائلا: "محمد صلاح دخل التاريخ من أوسع أبوابه ولن يلحق به أحد".

أديب: محمد صلاح بقى الهداف التاريخي لليفربول

وأضاف أديب، قائلا: "محمد صلاح بقى الهداف التاريخي لـ ليفربول.. وأنا فاكر "مو" أما طلع في أحد البرامج في أول موسم له مع ليفربول أما كان مسجل 30 هدف تقريبًا قال للمذيعة أنا عندي حلم أكون الهداف التاريخي للنادي".

وتابع: "محمد صلاح  كان بيسعى للحلم وباقي على تحقيقه 100 جول.. إحنا عندنا في مصر اللي بيسجل هدفين بيكون عايز يجدد عقده"، لافتا: "محدش يقول محمد صلاح بياخد كام.. قول محمد صلاح لما بدأ كان بياخد كام.. صلاح فخر مصر والعرب".

وأكمل: "إحنا مش عاوزين حاجة من صلاح تاني.. الراجل ده خلاص عمل تاريخه لو قعد في بيته النهاردة يبقى اتعشت".

وأردف: "هي دي الناس اللي بتشتغل وتتعب وتجتهد، يا جماعة شوفوا محمد صلاح أما يجيب جول بيعمل إيه، صلاح سجل 129 هدف مع ليفربول".