"صعبان عليكي".. مُسلم يستعد لطرح أحدث أعماله الغنائية

يستعد المطرب مُسلم لطرح أحدث أعماله الغنائية، وذلك بعنوان صعبان عليكي، التي من المقرر طرحها خلال الفترة المقبلة عبر قناته بموقع الفيديوهات الشهير يوتيوب.

تحيا مصر يرصد لكم أغنية مسلم الجديدة

وكتب مسلم عبر خاصية الأستوري في حسابه بموقع تبادل الصور والفيديوهات انستجرام وعلق: صعبان عليكي.. خلال أيام بإذن الله أتمنى تعجبكم.

تصريحات مسلم

وسبق وكشف مسلم أنه لا يحب أن يتابع السوشيال ميديا ولا يحب المشاركة في التريندات وقال في تصريحات لموقع تحيا مصر: أنا مقل جدا على السوشيال ميديا ومحدود على  عائلتي والناس اللي بيتبعوني بس وبعتبرهم عائلتي ، وأخري في السوشيال ميديا اني ارد على جمهوري بس، ومش بحب ابقى منساق تحت أي تريند وبحب أكون أنا المتحكم في كل حاجة وبالذات السوشيال ميديا ومش بحبها تتحكم فيا. 

وتابع مُسلم: السوشيال ميديا بتخلي الواحد بتصحى من النوم وتشوف ايه اللي بيحصل وفايتك وتدور وببقى بتلف في دايرة معينة.

مُسلم: أغنية اتنسيت غيرت كل الموازين

كشف مُسلم في تصريحات خاصة لموقع تحيا مصر أنه يعتبر أغنية اتنسيت هي الفارقة في مشواره الفني وقال: أغنية اتنسيت فارقة في مشواري الفني، وهي تاني خطوة ليا بعد أغنية هنيالك اللي نزلت في 2018، و بعد فترة التغبط واعتزالي  وبعدت الفترة دي ومسحت كل شغلي من على اليوتيوب ومواقع التواصل الاجتماعي.

وأضاف مسلم: كان عندي هاجس وقتها  إني مش هرجع تاني والناس مش هتفتكرني، لكن أغنية اتنسيت جت الموازين كلها، ورغم إني بعدت واعتزلت بس الأغنية دي رجعتني للجمهور تاني.

مُسلم: سعيد بنجاح أغنية قلب في الدفاتر

وتحدث مسلم عن أغنية قلب في الدفاتر وتخطيها الـ 20 مليون مشاهدة وأوضح: في أغاني لما بقت تجيب 20 مليون الناس بتقول عليها منجحتش، وأغنية قلب في الدفاتر بقالها شهر بس وتخطت الـ 20 مليون مشاهدة على اليوتيوب وسعيد جدًا بنجاحها.

وكانت قد حققت أغنية قلب في الدفاتر لمسلم نجاحًا كبيرًا، والأغنية من كلمات وألحان مسلم، وتوزيع ومكس وماستر إسلام الأزرق، والفيديو كليب من إخراج إسلام هشام.