خاص|عفاف رشاد: مش بنقلل من المحجبين في أعمالنا وبنصرف ملايين عشان نبسطكم

علقت الفنانة عفاف رشاد على الانتقادات التي تواجه الأعمال الدرامية قبل عرضها، كما تحدثت عن الجدل المثار حول تقديم شخصيات محجبة في الأعمال الدرامية.

تحيا مصر يرصد لكم تصريحات عفاف رشاد

وقالت عفاف رشاد في تصريحات خاصة لموقع تحيا مصر: ليه الناس بتقول أننا بنوحش صورة المرأة المحجبة، ليه بيقولوا كلام وحش زي ده؟ هو مفيش واحدة محجبة حواجبها تخينة؟.

عفافا رشاد: في ناس بتبقى وحشة ولما بيلبسوا الحجاب بيبقوا حلوين

وأضافت: ليه بنتكلم حواجب إيه وبتاع إيه مفيش كده وفي محجبات زي القمر وفي ناس بتبقى وحشه و لما بيلبسوا الحجاب بيبقوا حلوين جدًا.

وأضافت: الناس بتتعب وتصور المسلسلات  وصرفوا ملايين عشان تتبسطوا مش عشان تيجوا تقللوا منها مينفعش طبعًا.

عفاف رشاد: منى زكي عاملة مسلسل كويس جدًا

كما أشادت الفنانة عفاف رشاد بالفنانة منى زكي وقالت: منى زكي عاملة مسلسل كويس جدًا وهو تحت الوصاية وهينجح جدًا.

عبير صبري ترد على منتقدي المحجبات في الأعمال الدرامية

وكانت قد علقت الفنانة عبير صبري علة منتقدي تقديم المحجبات في الأعمال الدرامية وكتبت عبير صبري عبر حسابها الرسمي بموقع تبادل الصور والفيديوهات انستجرام: "بمناسبة الجدل الداير حوالين ان الدراما بتقدم المحجبة بشكل مش حلو وان فيه تعمد بكدة ودا طبعا غير حقيقي بالمره.

وتابعت: لكن الشخصيه طبيعتها وظروفها الاجتماعية أو الاقتصادية أو النفسية وقصتها وغيره هي اللي بتفرض الشكل العام ليها يعني لو مرفهة بتكون ليها شكل او مسؤولة وشقيانة ليها شكل او بتمتهن مهنه ليها شكل وتفاصيل دا شيء بديهي وهكذا".

وأضافت: “حبيت افكركم ان مفيش تعمد ولا حاجة انا قدمت دور شريفة في مسلسل الطوفان وكانت جميلة ومرتبة وشيك وعندها صراع مختلف لأنها ست بيت وزوجها بيصرف عليها ومش محتاجه حاجه فاكرين الدور ده ..ياريت تستمتعوا بالعمل الفني اللي مبذول فيه جهد كبير ومتستهلكوش طاقتكم فيما لايفيد ؟”.

مسلسل تحت الوصاية 

مسلسل تحت الوصاية لـ منى زكي من الكتوقع أن يحقق نجاحًا كبيرًا، ويشارك في بطولته عدد كبير من نجوم الفن ومنهم: دياب، نهى عابدين، أحمد خالد صالح، رشدى الشامى، على الطيب، مها نصار، خالد كمال، ثراء جبيل، محمد عبد العظيم، أحمد عبد الحميد.