رامي جمال عبر تويتر: الدنيا هتجيبك قدامي.. سيب رصيد افتكرك بيه

وجه الفنان المغني رامي جمال رسالة لمجهول عبر حسابه الرسمي بموقع التدوينات القصيرة تويتر، والتي أثارت تساؤلات الجمهور بشكل كبير. 

تحيا مصر يرصد لكم تفاصيل أخر منشورات رامي جمال

رامي جمال: ماتلومنيش على رد فعلي.. والدنيا هتجيبك قدامي 

وكتب رامي جمال عبر تويتر: ماتلومنيش على رد فعلي، ركز على تصرفاتك علشان الاحترام بيتقابل بالاحترام والعكس صحيح..

وتابع: وحاول تعمل حساب إن الدنيا هتجيبك قدامي في يوم.. فـ سيب رصيد حلو افتكرك بيه.

أزمة رامي جمال الصحية 

وكان قد طمأن الفنان رامي جمال كل متابعيه على صحته وذلك عبر حسابه الرسمي على موقع تبادل الصور الشهير انستجرام من خلال خاصية استوري .

وظهر الفنان رامي جمال في مقطع فيديو من داخل سيارته وتحدث مع متابعيه وقال: صباح الخير لكل الجمهور الجميل، أنا الحمد لله بدأت أحس إني بتحسن، وبطمنكو وإن شاء الله الالتزامات الفنية  الجاية أكون قدها متقلقوش، وشكرا لكل حد دعالي وشكرا لجمهور جدة اللي شافني قبل كدة أربع أو 5 مرات وأنا في قمة فوقاني ..والمرة دي كعادته الكريمة كان هو الجمهور والفنان وكل حاجة شكرا بس هوالتعب مش إختياري وشكرا يا حبايبي جدا"

وتابع حديثه:" من أكتر التعليقات اللي بقراها وعجباني من الجمهور المصري العسل  بيقولي لا انت لازم تخف انا عندي فوتو داي يوم السبت قدامك النهاردة وتكون خفيت وناس حجزت لحفلتي أنا وتامر عاشور في زيد بارك الجمعة الجاية ومعلش بقى فرصة لاني ساعتها مكنتش قادر أتكلم .. التأجيل أول مرة مكنش بسببي ومكنش اختياري .. وانا أكتر فنان بيزعلني جدا موضوع تغيير الميعاد دة لأني انا عارف ان كل واحد بيبقى مرتب نفسه على حاجة الأمن كان شايف ان العدد الكبير الموجود المكان الأولاني بتاع الحفلة مكنش مناسب بالنسبة له ودي حاجة ولا انا ولا تامر نقدر نعرفها "

وأنهى حديثه :" خلو بالكوا عشان الدور اللي موجود اليومين دول دة مجاش خلال ال3 سنين بتاع الكرونا بالصعوبة دي،ولا  الأدوية  بتنفع ولا حاجة بتنفع وهو تركيزه كله المرة دي على الحنجرة والزور والرئتين والعضم .. دور مرهق جدا جدا جدا ربنا يحفظكم انتو وحبايبكو وخلو بالكو".