عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

ياسمين عز: البسي حاجة بتخشخش وشمري كمك وانت بتكلمي جوزك او خطيبك في التليفون

ياسمين عز
ياسمين عز

وجهت الإعلامية ياسمين عز مجموعة نصائح لـ السيدات المتزوجات والمخطوبين بشأن أداب الحديث معه على الهاتف، وذلك خلال برنامجها الشهير “كلام الناس”، والمذاع على قناة mbc مصر.

تحيا مصر يرصد في ذلك التقرير تصريحات ياسمين عز في كلام الناس

ياسمين عز: عاملي جوزك معاملة البخور وخشب الصندل

وقالت ياسمين عز: وانتي قايمة من جنب جوزك لازم  تعامليه معاملة البخور وخشب الصندل متدلوش ضهرك وتمشي طبيعي ده غلط حتى لو نايم ومغمض عنيه روحه شيفاكي، قومي من جنبه وارجعي بضهرك زي العربية لحد ما توصلي للباب اخرجي منه وامشي طبيعي.

وتابعت: جوزك مصدر فواحة البيت وعطر الزمان وحضن الأمان.

ياسمين عز: وانتي بتكلمي جوزك في التليفون لازم تكون لابسة حاجة في رجلك

وعن أداب الحديث مع الزوج، قالت ياسمين عز: مينفعش تكلمي جوزك في التليفون وانتي حافية لازم تكمليه وحاجة في رجلك عشان لو كلمتي جوزك وانتي حافية الكلام هيطلع من رجلك لكن لو وانتي لابسة حاجة في رجلك الكلام هيطلع من قلبك.

وأضافت: متكلميش جوزك بالاسدال البسي حاجة مشخشخة لأنه بيدي طاقة انوثة ولازم تشمري حتة من الكم.

أما عن المخطوبين فقالت لهم: كل يوم قبل ما تكلمي خطيبك تلبسي لبس خروج وحلتك ودبلتك وجذمتك أم كعب لأنه أهم من صحبتك الي بتلبسلها أحلى لبس ولازم حاجة تخشخش في ايدك أنوثة عالية وتشمري كمك.

نصائح ياسمين عز 

وسبق، ووجهت ياسمين عز مجموعة نصائح جديدة بخلاف نصائحها للمتزوجات عبر برنامجها كلام الناس، قالت فيها: كلنا بنمر بظروف صعبة في كل العالم زود على ده إن احنا في شتا وبرد قارص وانت بتطلب دليفري بتسيب فلوس بسيطة للشخص أو شوية فاكة، أنا برجوا من حضرتكم إن اللي جاي يوصلك طلب البيت دا جايلك مخصوص عشان تتصدق عليه فطلع مما تنفق ليه، انت بتدي ربنا، الصدقة بتقع في ايد ربنا.

وتابعت: جرب كل ما تصدق إنك تعطي عطاء كريم، البسمة والفرحة والخضة اللي هتشوفها على وش الشخص البسيط هتفعل في قلبك مفعول سحري.

تابع موقع تحيا مصر علي