عارفة عبد الرسول تنصح الفتيات: حبي شكلك.. مناخيرك الكبيرة ميزة

وجهت الفنانة القديرة عارفة عبد الرسول نصيحة للفتيات، متخذة من الفنانة مريم الجندي بطلة مسلسل بالطو مثال يحتذى به.

تحيا مصر يرصد نصيحة عارفة عبد الرسول للفتيات.

عارفة عبد الرسول تشيد بالفنانة مريم الجندي

كتبت عارفة عبر حسابها الرسمي بموقع التواصل الاجتماعي فيسبوك: كلمتين محشورين فى زورى حاقولهم ورزقى على الله...ليه مسلسل بالطو نجح النجاح المدوى ده...لانه شبهنا بتاعنا...مافيش حد ماشافش حته منه او حد شبهه فى طرشوخ الليف تقول لنفسك فجأة..اه والله كان بيحصل كده.

وتابعت: احنا كممثلين ماكناش احنا ...بس كنا احنا...وفى كلمه قالهالى المخرج عمر المهندس على جنب كده...لما كان بيعمل الكاستينج للمسلسل داخ عشان يلاقى بنت شبهنا من طبقه متوسطه ومن مدينه فى الريف تبقى دكتوره فى وحده صحيه فى ارياف برضه...كل البنات لاعبه فى شكلها وتاتو وشفايف وحواجب....كلهم دكتور تجميل واحد عامل قالب واحد.

وأضافت: وقع الاختيار على مريم الجندى...مش عشان هى بنت محمود الجندى ولا اخت احمد الجندى...ولا عشان هى ممثله كويسه...رغم انها ممثله ممتازه...ولاعشان كانت فى ورشه استاذنا خالد جلال ولفت لفه حلوه ع المسرح ...اتكحرتت يعنى....كل ده مكانش سبب لترشيحها للدور...السبب كان شكلها العادى...بنتنا...مننا...صرخه مكتومه من قلبى للبنات....ارجوكم... حبى شكلك اللى ربنا وهبه لك ...مناخيرك كبيره شويه وماله دى ميزه...سنانك معووجه مايضرش دى ميزه ...ارجوكم...كونوا عاديين.

عارفة عبد الرسول تتألق في بالطو

علقت الفنانة عارفة عبد الرسول عن دورها في مسلسل "بالطو" التي تُجسد فيه شخصية "كوثر - الموظفة الحكومية الروتينية الحازمة".

وقالت خلال لقائها ببرنامج "معكم" الذي تُقدمه الإعلامية منى الشاذلي، عبر شاشة "cbc": "أنا جاية من دواوين الحكومة"، موضحة أنها عملت مسبقا موظفة ثقافة جماهيرية على مدار 30 سنة.

تصريحات عارفة عبد الرسول عن دورها في بالطو

وأضافت: "أنا اشتريت 7 سنين معاش علشان يبقى كويس لما أطلع معاش.. وعملت إضافات في المسلسل من خبرتي في العمل الحكومي".

وأوضحت أنها طلبت من مخرج المسلسل عمر فؤاد المهندس، إضافة فقرة شراء أيام معاش لتحاكي ما مرّت به في عملها الحكومي في المسلسل.